Ипотекийн зээлийн үлдэгдэл энэ оны нэгдүгээр сарын байдлаар 9.5 их наяд төгрөг байгаа нь өмнөх оны мөн үеэс 18.9 хувиар өссөн үзүүлэлттэй байгааг Монголбанкнаас мэдээллээ. Тайлант хугацаанд нийт 1,283 хүн шинээр ипотекийн зээлд хамрагдсан нь өнгөрсөн оны мөн үетэй ойролцоо байгаа юм. Нийт зээлийн 20 хувийг орон сууцны ипотекийн санхүүжилтээр олгосон бол 34.7 хувийг арилжааны банкнуудын эх үүсвэрээр олгожээ. 

Хугацаа хэтэрсэн болон чанаргүй зээлийн ангилалд шилжсэн зээлийн хэмжээг өмнөх оны нэгдүгээр сартай харьцуулахад 26.3 хувиар нэмэгдэж, 1 тэрбум төгрөг давсан байна.

Ипотекийн зээлийн хүү хамгийн ихдээ 14 хувь байх журам батлагдаж иргэний авах орон сууц нь хотын төвд байршилтай бол зээлийн хүү өндөр буюу 14 хувь хүртэл, харин хотын зах руу байх тусмаа хүү буурч, 6 хувь хүртэл байхаар тооцож, журмыг боловсруулсан тухай Монголбанкны Ерөнхийлөгч Б.Лхагвасүрэн  онцолсон. 

Ипотекийн зээлийн эргэн төлөлтөөр дараагийн зээлийг санхүүжүүлэх бодлого энэ онд ч мөн үргэлжлэх юм.