Эрчим хүчний сайд Б.Чойжилсүрэн эрчим хүчний шөнийн тарифын хөнгөлөлтөд дараах өөрчлөлт гарч байгааг мэдээллээ. 

• Шөнийн тарифын хөнгөлөлт оройны 21 цагаас өглөөний 06.00 цагийн хугацаанд үргэлжилдэг байсныг 21 цагаас өглөөний 09.00 цагт хүртэл үргэлжилдэг болгов. 
• 220В-ийн хэлхээгээр холбогдсон айлуудын 700 кВт хүртэлх хэрэглээг тэглэж, түүнээс дээш гарсныг нь 50 хувь хөнгөлдөг байсан бол хэрэглээний хэмжээг 1500 кВт болгож нэмэгдүүлэв. Түүнээс дээш гарсныг 50 хувь хөнгөлнө. 
• 380В-ийн хэлхээгээр холбогддог байсан айлуудын 1500 кВт хүртэлх хэрэглээг тэглэж, түүнээс дээш гарсныг нь 50 хувь хөнгөлдөг байсан бол хэрэглээний хэмжээг 3000 кВт болгож нэмэгдүүлэв. Түүнээс дээш гарсныг 50 хувь хөнгөлнө. 

Жишээлбэл, өнгөрсөн жил 1000 кВт хэрэглээтэй байсан айл эрчим хүчний шинэ үнээр төлбөрөө төллөө гэхэд 30 орчим хувиар нэмэгдэнэ. Хамгийн дээд талдаа 33 хувиар нэмэгдэхээр байна. Энэхүү хөнгөлөлтийг хоёрдугаар сарын 1-ээс эхлүүлж, хоёр, гуравдугаар сард болон 2025 оны 11, 12 дугаар сард хэрэгжүүлнэ. Хөнгөлөлтөд нийт 43 тэрбум төгрөг шаардлагатай байгааг оны өмнө төсөвт тусгасан бөгөөд Эрчим хүчний сайдын багцаас төсвийг гаргана гэлээ.