Улаанбаатар хотын ерөнхий төлөвлөгөө болон хэсэгчилсэн ерөнхий төлөвлөгөөнд иргэдийн өмчийн эрхтэй холбоотой заалтуудыг тусгах шаардлагатай байгаа талаар хотын дарга Х.Нямбаатар мэдээллээ. 

Иргэн, ААН өөрийн газар дээрээ барилга, байшин барихдаа “Би ийм байшин барих гэсэн юм. “Зөвшөөрөл өгөөч” гэдэг ойлгомжгүй тогтолцоо манайд бий. 

Тиймээс барилгын тухай хууль, барилгын стандартыг бүхэлд нь өөрчилж зөвшөөрөл хүсэх шаардлагагүй болгож, цаашид барилга эхлүүлэх зөвшөөрөл зэргийг эргэж харах шаардлагатайг хэллээ.

Улаанбаатар хотын ерөнхий төлөвлөгөө, хэсэгчилсэн ерөнхий төлөвлөгөөнд аль дүүрэг, аль хороололд хэдэн давхар, ямар хийц загварын барилга, байшин барих тухай тодорхой зааж, нэгдсэн байдлаар төлөвлөж өгөхөө онцоллоо.