Мэргэжлийн хяналтын ерөнхий газрыг буруу дүгнээ юу даа,  даргыг нь халж,  хүнд сурталтай унтаа ажилладагаар нь дуудаж, МХЕГ гэх сүржин нэрнээс цаашгүй гэж муулагдах болсон  энэ байгууллагыг  буруу ташаа дүгнээ юу даа гэсэн бодол өөрийн эрхгүй төрөхөөр МХЕГ-ынхан сүүлийн үед өдөр шөнөгүй, өглөө оройгүй ажиллаж, гол фокусаа барилга дээр тавьж байгаа нь илт.

Гэвч мэргэжлийн хяналт урд нь ингэж  ажиллаж байсан уу гэвэл ҮГҮЙ.  Үүнийг би биш, ард иргэд, Нийслэлийн удирдлагууд   гээд хаа сайгүй л хэлнэ.

Хэрэв сайн ажилласан бол, хүнд сурталгүй хурдан шуурхай үйлчилдэг байсан бол ажлаас нь хэдхэн метрийн зайд баригдаж байгаа барилга зөвшөөрөл авсан эсэхийг, зөвшөөрөл авсан ч  хэмжээ даацаа хэтрүүлсэн үү, үгүй юу гэдгийг мэдэж байх ёстой. Үгүй юмаа гэхэд  500 гаруй барилгаас   хөдөлмөрийн аюулгүй ажиллагааг  хангаагүй компаниуд гэхэд л  80 гаруй хувьтай гарахгүй л байсан байх.

Ар араасаа гарсан барилгын ослуудын дараа мэргэжлийн хяналтынхан ухаан орж, өнгөрсөн борооны хойноос цув нөмрөв гэдэг шиг л юм болов.

“Яагаад ийм зүйлүүд болов, танайх хяналт тавьж болоогүй юм уу”  гэсэн сэтгүүлчийн асуултанд, манайх 20 хүрэхгүй байцаагчтай.  Иймд нийслэлд байгаа бүх барилга дээр очоод хэзээ хүн унах бол, хэзээ барилга нурах бол гээд хараад сууж үнэхээр хүрэлцэхгүй байна гэсэн шалтгаанаар уснаас хуурай гарах арга хайж байсан. Тэгвэл саяхан өнөөх 20 байцаагч бүх барилгын компанийг дээр доогуур шалгаж, бүүр цаашлаад нийгмийн даатгал, орлого, гар дээр байгаа бэлэн мөнгө,  гээд бүх л нарийн ширийн зүйлийг асууж сураглаж явсан гэнэ. Хувь хүний нууц гэдэг шиг хувь компаний дотоод ажилд, эрх ашигт нь халдаж ам хэлийг нь суглах шахаж.

Мэргэжлийн хяналтын шалгалтаар
Барилгын тухай хуулийн 15,16,17,18 дугаар зүйлд заасан эрх үүргийн хэрэгжилт 594 барилгад шалгалт хийснээр  62,5 хувьтай гарсан гэнэ.

 Мөн өргөх машин механизмд хийсэн хяналт шалгалтаар илэрсэн нийт зөрчлийн 41 хувь баримт бичгийн зөрчилтэй, 31 хувь нь техникийн гэмтэлтэй гарчээ. Энэ мэт нилээдгүй олон судалгааг мэргэжлийн хяналтын газраас танилцуулж байна.