Сэлбийн хос гүүрний болоод Сансрын нүхэн гарцын ажлууд хийгдэж байгаа учраас тухайн гүүр болон автозамын хөдөлгөөнийг хязгаарласан байгаа. Тэгвэл зуун айлын гүүрийг энэ сарын 10-нд дуусгах юм байна. Сэлбийн хос гүүрний урд талын гүүрний шинэчлэлийн ажилд “Мотор сервис” компани ажиллаж байна. Сонирхуулахад зуун айлын урд талын гүүр 1960 онд баригдсан бол хойд гүүр нь 1980 онд баригджээ.  Хойд гүүрний ажил дараа жил хийгдэхээр болжээ. Сансрын тунелийн нүхэн гарцны хувьд зүүн талын уулзварын авто замын хөдөлгөөний хоёр урсгалыг хаасан бөгөөд нүхэн гарцыг аравдугаар сарын 30-нд дуусгах гэрээтэйгээр “Хотын зам” компани ажиллаж байгаа юм байна. Харин аравдугаар сарын 10-нд нүхэн гарцны дээгүүрх авто замын хөдөлгөөнийг нээнэ. Аравдугаар сарын 30 хүртэл нүхэн гарцны дотоод засал, чимэглэл, тохижилтын ажил хийгдэнэ гэсэн төлөвлөгөөтэй байгаа аж.