Барилгын салбарын №1 мэдээллийн хэрэгсэл болох Барилга.МН сэтгүүлийн шинэ дугаар худалдаанд гарлаа.

     Барилгын салбарт өрнөж байгаа үйл явдал, шинэ орон сууц, бараа материалын үнэ ханш, интерьер дизайн, орон байраа хэрхэн дулаалах, гэх мэт өөрт хэрэгцээтэй мэдээллийг нэг дороос авах боломжтой.

   Энэ удаагийн дугаарт цаг үеийн байдалтай холбогдуулж “Барилгын салбарт хэлмэгдүүлэлт явагдаж байна” гэсэн асуудал хөндсөн сонирхолтой нийтлэл орсноос гадна  салбартаа тэргүүлэгч туршилгатай хүмүүсийн ярилцлага, шилэн барилгын хийц загавар, мэргэжлийн инженер, ажилчидад зориулсан мэргэжлийн үг хэллэг, мэргэжлийн заавар зөвлөгөө багтлаа. Мөн сонин содон оффисыг танилцуулдаг содон оффис буланд дугуй хар малгай, донжтой гаансаараа бусдаас ялгарч чаддаг “Боролдой” студийн захирал О.Мягмарын өвөрмөц сонин хийц загвартай оффисоор аялах  боломжтой.

 
“Барилга.МН” сэтгүүл таны хайсныг, танд хэрэгцээтэй бүхнийг нийтлэнэ.

  Асуудал хөндсөн сэдэв

Барилгын салбарт "ХЭЛМЭГДҮҮЛЭЛТ" явагдаж байна

   "Нэг үхрийн эвэр доргивол мянган үхрийн эвэр доргино"  гэдэг шиг хөдөлмөрийн аюулгүй байдлаа хангаагүй  нэр бүхий  компаниудаас болж бүхэл бүтэн барилгын салбарын нэр хүнд навс уналаа.
Монголд барилгын салбар эрчимтэй хөгжиж, хэдэн арван мянган хүнийг ажлын байраар хангалаа.  Дэлхийн дэвшилтэт технологи манай оронд нэвтэрч, монгол инженерүүд чадварлаг гэдгээ харууллаа. Барилгын салбар сэргэж, хөгжил дэвшлийнхээ замд орж байна  гэж  магтаж байгаагүй юм шиг хэдхэн хоногийн дотор  БАРИЛГАЧДЫГ  нийгмийн дайсан болгон хувиргалаа.

   "Муу л юм  болвол хойд талын хар овоохой" гэдэг шиг болохгүй, бүтэхгүй зүйлээ барилгачидтай холбож тайлбарлах нь хэвийн үзэгдэл болов. Барилгын үнэ буураагүй учраас би өнөөдөр зүдэрч явна, барилгад ашигладаг  хүнд даацын машинууд монголын замыг эвдэж гүйцлээ, барилгаар дамжиж хужаанууд эх орныг минь эзэллээ гээд л  түм буман болж бүтэхгүй зүйлээ муу нэрт рүү л  чихнэ.

Үргэлжлэлийг Барилга.МН сэтгүүлээс...

  Дуулгах мэдээ

НИЙСЛЭЛ ДЭХ ШИЛЭН БАРИЛГУУД

    Монголд барилгын архитектурын  шинэлэг төлөвлөлт эрчимтэй хөгжиж байгаагийн илрэл нь нийслэлийн өнгө үзэмж, хөгжил дэвшлийг илтгэн харуулсан шилэн барилгууд юм. Жишээ нь: Blue sky, Shangrila, Хангарьд барилгууд архитектурын өвөрмөц шийдлийг агуулж, Монгол Улсад дэлхийн барилгын хөгжил, дэвшил нэвтэрч эхэлж буйг илтгэдэг. Дэлхийн өндөр барилгуудын холбоо гэж байдаг аж. Үүнд  "Blue sky" барилга бүртгэгдсэн гэж бодохоор  монгол инженерүүдийн ур чадвар өсөн хөгжиж байгааг харуулдаг.

    Шилэн фасад (барилгын нүүр, гадна тал нь)-г үндсэн хоёр ангилалтайгаар монголд оруулж ирдэг гэнэ.
Дулаан тусгаарлалт бүхий ганжуулсан шилэн фасад
Гоёлын буюу өнгөлгөөний шилэн фасад

   Дулаан тусгаарлалт бүхий ганжуулсан шилэн фасад нь барилгын үндсэн каркасанд шууд бэхлэгдэх бөгөөд шалнаас тааз хүртэл өрлөг, янз бүрийн хананы оронд шууд хэрэглэгдэх боломжтой байдгаараа маш том давуу талтай ба барилга гаднаасаа байгалийн гэрлийг шууд нэвтрүүлэх, дотроосоо гадаад орчинг чөлөөтэй харах болцоог олгодог. Гадна дулаан тусгаарлалт бүхий ганжуулсан шилэн фасад нь CW50*150 болон CW70*150 гэсэн 2сери байх ба ил даруулгатай болон далд даруулгагүй хэлбэрээр хийгдэх бололцоотой бөгөөд барилгын өндрөөс хамаарч тохирох серийг сонгодог.  Шилний янз бүрийн сонголттой, хатаалттай болон хатаалтгүй байх гэх мэт олон янз байдаг аж.

   Гоёлын өнгөлгөөний шилэн фасад гэдэг нь баригдсан барилгаа шилэн барилга болгох сонирхолтой хэрэглэгчиддээ зориулсан бөгөөд баригдсан барилгыг гаднаас нь бүрэх зарчмаар уг фасад хийгддэг нь барилгын өнгө төрхийг өөрчлөх шилдэг шийдэл болдог.  
 

   Ярилцъя
"MBS" ХХК-ийн өмгөөлөгч Б.Цэцэнбилэг

“Барилгын ажлыг зогсоох тухай захирамж гаргах”
ЭРХ ХЭМЖЭЭГ ХУУЛЬЧЛААГҮЙ

     Монгол Улсын барилгын салбар цаг үеийнхээ шаардлагаар хөгжил дэвшил өөд өөрчлөгдөн шинэчлэгдсээр ирсэн. Энэ салбар нь тухайн улс орныхоо цаг үеийн хөгжлийг илтгэж, тодорхойлж байдаг. Сүүлийн жилүүдэд барилгын салбарт хот төлөвлөлт эмх цэгцгүй, замбараагүй боллоо гэсэн шүүмжлэлийг дагуулах болсон. Үүнийг цэгцлэх зорилгоор Нийслэлийн Засаг дарга бөгөөд Улаанбаатар хотын захирагч Э.Бат-Үүл зөвшөөрөлгүй баригдсан барилгуудын ажлыг зогсоох шийдвэр гаргаад багагүй хугацаа өнгөрч байна.
  

   Энэ шийдвэрийн талаар "MBS" ХХК-ийн өмгөөлөгч Б.Цэцэнбилэгээс дараах асуултанд хариулт авлаа.

    Содон оффис

"Боролдой" студийн захирал О.Мягмар:

ӨӨР БАЙХЫН ТУЛД
ӨӨР БАЙХ ХЭРЭГГҮЙ

     Хар бүрх малгай, модон гаанс, этгээд араншин... “Боролдой” студийн захирал О.Мягмарыг ийн тодорхойлмоор.

   Хүүгийнхээ хуримын урилгыг өдөн бийрээр өөрийн гараар бичиж суугаа түүнийг хараад  аливаа юманд яаж ханддаг, ямар сэтгэлгээтэй хүн бэ гэдгийг мэдэж болохоор санагдлаа. Түүний  өрөөнд сонин содон зүйлүүд их байлаа.

    Гаансны цуглуулга, хуучин машины загвар бүхий цуглуулга, ховор нандин номнууд, сонгодог маягийн хаалга, хана, чийдэн, утас  гээд нүдэнд тусах юм олон байв. Чанартай кофенд гар татдаггүй тэрээр тааран шуудайтай өвөрмөц амтай кофе өөрийн гараараа чанаж өгөөд  содон оффисынхоо талаар сонирхолтой ярилцлага өгсөн юм.

  Монголд үйлдвэрлэв                                                                                                                               
                                  ҮНДЭСНИЙ ҮЙЛДВЭРЭЭЭ
                                          дэмжих хэрэгтэй

     Монгол хүн аливаа зүйлийг сурахдаа гаргуун. Мөн юмханаар юм хийж чаддаг нь ч гэсэн монгол хүний авъяас чадвар.  Энэ удаа “Барилга.МН” сэтгүүлийн “Монголд үйлдвэрлэв” булангаараа резинэн хавтангийн үйлдвэрийг танилцуулж байна.

"Инахис" ХХК-ийн захирал Н.Мөнхбаяр:

     Дугуй засварын газар хагарсан, эдэлгээ нь дууссан ч юмуу ямар нэгэн шалтгаанаар хаягдал болон давхарлан өрсөн дугуйнууд харагдаж л байдаг. Гэтэл эдгээр дугуйнуудыг ашиглаад бүх төрлийн резинэн хавтангуудыг үйлдвэрлэн гаргаж байна. Хүүхдийн тоглоомын талбайн гадна тохижилт, гражын шаланд хэрэглэх хавтангуудыг гаднаас авдаг байсан манай улсын хувьд эх орондоо үйлдвэрлэсэн материал бүтээгдэхүүнийг хямд үнээр худалдан авах боломжтой боллоо.

   Эрвээхэй судладаг мэргэжлийнхээ ачаар олон орноор аялж явахдаа резинэн хавтанг үйлдвэрлэх санаагаа 10-аад жилийн өмнө олсон гэнэ. Тэгээд судлаад үзтэл дэлхийн хөгжилтэй орнуудад 40 гаруй жилийн тэртээ хаягдал дугуйгаа боловсруулах арга технологи нэвтэрсэн. Манай компани анх экотуризм хөгжүүлэх зорилгоор Inachis io [Lin;1758] хэмээх олон өнгөт эрвээхэйн нэрээр компаниа нэрлэж байгуулсан түүхтэй. Харин 2009 оноос компанийн үйл ажиллагаагаа өргөжүүлэн резинэн хавтан үйлдвэрлэж эхэлсэн.

    Орон сууц сонгох гэж элдэв янзын сонин сэтгүүл эргүүлж, цаг заваа барсаар л байна уу? Таны эрэл хайгуул болоод байгаа мэдээлэл нэг дор байна. Барилгын материалын гол нэрийн бүтээгдэхүүний үнэ ханш орсон “Барилга.МН” сэтгүүлийн 09 сарын дугаар худалдаанд гарлаа. Улаанбаатар хотод ашиглалтанд орох гэж байгаа болон орсон шинэ орон сууц болон хуучин орон сууцны мэдээллийг дүүргүүдээр нь бүсчилэн гаргалаа.

   Учир нь Замын-Үүд боомт дээр цаанаас ирж байгаа их хэмжээний цементийн бөөгнөрөл үүссэн болохоор Улаанбаатарт цементийн үнэ өссөн гэсэн тайлбарыг холбогдох хүмүүс нь өгч байна. Харин модон материалын  хувьд түүхий эд багассан, мөн л эрэлт ихэссэн гэсэн шалтгаанаар үнэ өсөж байна.

Та “Барилга.МН” сэтгүүлээ