“Актив зууч” үл хөдлөх хөрөнгө зуучлалын компани нь  ээлжит үзэсгэлэнгээ зохион байгуулж байна. Үзэсгэлэн дараа оны  3 сарын 1  хүртэл үргэлжилэх юм байна.

Уг үзэсгэлэнд шинэ орон сууц, “Хас банк”-ны лизинг, Тэнгэр даатгал, нүүлгэлтийн үйлчилгээ гээд олон төрлийн  үйлчилгээг нэр дороос авах боломжтой юм байна. “Таны төсөөллийг бодит болгоё”   уриатай уг үзэсгэлэн иргэдэд түргэн шуурхай бодит үр дүнтэйгээр хүрэх гэнэ.

    Ингээд тус компаний захирал Б.Янжиндуламаас  үзэсгэлэнгийн талаар тодрууллаа.

“Active idea 2012”  үзэсгэлэн бусад үзэсгэлэнгээс юугаараа ялгарах вэ?
Манай компани тав дахь жилдээ үйл ажиллагаагаа амжилттай явуулж байна. Өнгөрсөн таван жилийн хугацаанд Монголын зах зээлийн үнийн өсөлт, уналт, худалдан авагчдын чадвар тэдгээрийн хүсэл сонирхол гээд олон зүйл дээр судалгаатай ажиллаж ирсэн. Иймдээ ч иргэдийн хэрэгцээ шаардлага дээр тулгуурлан энэхүү үзэсгэлэнг зохион байгуулж байна.

-Урт хугацааны үзэсгэлэнгийн давуу тал нь юу вэ?
Бодит үр дүн гаргахын тулд урт хугацаатай зохион байгуулах нь зөв гэж бодсон. Ихэнх үзэсгэлэн  цөөхөн хоног зохион байгуулагддаг учраас иргэд зөвхөн мэдээлэлтэй л үлддэг.  

Гэвч цаашаа банкны зээлдээ хэрхэн яаж хамрагдах уу, төлбөрийн нөхцлөө яаж хийх вэ,  байраа хэзээ  хүлээж авах вэ гээд олон  арга замыг чиглүүлж  зуучилж өгч чаддаггүй. Бид олон сараар зохион байгуулж байгаа нь дээрх бүх зүйлийг шийдвэрлэж өгөхөд орших юм.

-Үзэсгэлэнд ямар хөтөлбөрөөр үргэлжлэх вэ?

Бид зах зээлд тохирсон үйлчилгээг явуулна гэдэг зорилготой.  Гэхдээ тодорхой хэмжээний хөтөлбөр төлөвлөгөөтэй ажиллаж байгаа. Эхний сар танилцуулга, мэдээлэл өгөх маягаар явна. Харин дараагийн саруудаас нэг өрөө, хоёр өрөө байрны үзэсгэлэн тус тусдаа гарч, мөн  хувийн хаус, амины орон сууц гээд зааг ялгаатай үргэлжилнэ.

 Үзэсгэлэн “Хас банк”-ны орон сууцны зээлийн төв / хуучнаар Ард кино театрын 2 давхарт/ зохион байгуулагдаж байна.