Нийслэлийн агаарын чанарын албан, Агаарын бохирдлыг бууруулах үндэсний хороо,  Нийслэлийн засаг даргын тамгын газар , Засгийн газрын тусгай сан цэвэр агаар сан зэрэг байгууллагуудын хамтын үйл ажиллагаа болох “Агаарын бохирдлыг эсрэг орон байраа дулаалцгаая” сарын аян 2012 оны 9 сарын 28- 10 сарын 28 хүртэл сарын хугацаанд үргэлжилэхээр өнөөдөр нээлтээ хийлээ. 

Сүхбаатарын талбайд зохион байгуулагдаж буй уг арга хэмжээний нээлтэд Нийслэлийн засаг дарга бөгөөд Улаанбаатар хотын захирагч Э.Бат-Үүл, УИХ-ын Л.Эрдэнэчимэг, С.Оюун,  Ерөнхийлөгчинй тамгын газрын дарга П.Цагаан нар оролцлоо.  Нийслэлийн засаг дарга Э. Бат-Үүл хэлэхдээ:
Нийслэл хотын өмнө тулгараад байгаа олон асуудлын нэг болох  тоосжилт, утааны асуудал юм.

Бид энэ асуудлыг хоёр янзаар шийдвэрлэхийг хичээж ирсэн. Нэг нь утаагүй зуух, утаагүй түлш, нөгөө нь шинэ төлөвлөлтөд хамрагдаж, амины орон сууцаа дэд бүтэцтэй холбуулан утааны асуудлаас бүрэн салах. Энэ нь илүү үр дүнтэй ч цаг хугацаа их орно. Иймийн тулд бид одооноос бэлтгэж, зам талбай, бохирын шугам тавих газраа чөлөөлж өгөх хэрэгтэй. Түүний дараа төрөөс бүх ажил хийгдэж утаагүй Улаанбаатартай болно гэж үзэж байгаа.

Үүнд мэдээж цаг хугацаа хэрэгтэй учраас та бүхэн өнөөдрийн үйл ажиллагаанаас орон байраа агаарын бохирдолгүй хэрхэн  дулаалах,  тав тухтай өвөлжихөд туслах бүх бараа бүтээгдэхүүнтэй танилцаж худалдан авах боломжтой  гэж хэллээ.

“Тэвнийн сүвэгч шиг нүхээр
Тэмээний чинээ жавар орно” гэсэн уриатай уг аянд агаарын бохирдолгүй орон байраа халаах шалны халаалт, дулааны материал, нарны илчээр халаах төхөөрөмж, байгальд ээлтэй цэвэр түлш гэх мэт бохирдол гаргадаггүй дулаалгын олон төрлийн материалуудыг хүмүүс ихэд сонирхож байлаа.

 
Та дулаан өвөлжихөд бэлэн үү?
 Хэрэв өвөлдөө бэлдэж амжаагүй бол Сүхбаатарын талбайг зориод үзээрэй.  Орон гэрээ сайн дулаалвал түлш бага орно, түлш бага орвол утаа бага гарна шүү дээ.