Хэнтий аймаг  

   Улаанбаатар хотын барилга угсралтын “Морин сувд” ХХК Хэнтий аймгийн барилгачдын ордныг барихаар шав тавилаа.
Тус компани 380 ам метр талбай бүхий зоорийн давхартайгаа нийлээд гурван давхар уг барилгыг улсын төсвийн 455,5 сая төгрөгөөр барьж, энэ оны 10 дугаар сард ашиглалтад өгөхөөр төлөвлөсөн байна. Аймгийн Газрын харилцаа, барилга хот байгуулалтын газрын конторын барилгыг ийнхүү барилгачдын ордон хэмээн нэрийдэж, төмөр бетон хийцээр үлгэр болохуйц чанартай барихаа тус компанийн захирал З.Мягмардорж илэрхийллээ. Барилгын ажлыг тус компанийн 3 инженер 20-иод барилгачид эхэлж, оргил ачааллын үедээ ажилчид нэмэгдэн ирэх бөгөөд орон нутгаас туслах ажилчид авах ажээ. “Морин сувд” компани өмнө нь Улаанбаатар хотод орон сууцны барилгууд, орон нутагт сургууль цэцэрлэгийн барилгууд барьсан туршлагатай юм байна.
 

Хэнтий аймгийн хэвлэл мэдээллийн алба