Улс орны хөгжлийн түлхүүр болсон барилгын салбарынхан 2011 оны ажлын амжилтаа дүгнэх өдөр болоход 3-хан өдөр үлдлээ. Хуучин он улиран одож, шинэ он айлчлан ирэхэд аж ахуйн нэгж, байгууллагууд тухайн жилд хийсэн бүтээсэн ажлаа дүгнэн цэгнэж, ололт, амжилтаа ярилцдаг.

     Монголын барилгын салбар өөрийн гэсэн түүхийг бичиж, өөрийн цаг хугацааг туулж ирсэн. Түүхэн цаг үед алдаа, оноо байсан ч түүнийг даван туулж өнөөдрийн энэ цаг үед ирсэн гэж үе үеийн ахмад барилгачид дурсан ярьдаг. Барилгын салбар хөгжихийн хэрээр тэнд хүчтэй өрсөлдөөн бий болдог. Өрсөлдөөн дундаас чанартай чансаатай барилга байгууламж сүндэрлэх учиртай.

    “Барилга Авардс-2011” барилгын салбарын нэгдсэн шинэ жилийн цэнгүүнд эх орны хөгжилд голлох үүрэг гүйцэтгэсэн аж ахуйн нэгж, компаниуд оролцож 2011 онд хийсэн бүтээн босголт, амжилтаа дүгнэн цэгнэж шилдэгүүдээ шалгаруулах юм.

    12 сарын 26-ний үдэш барилгын салбарын тэргүүлэгчидтэй хамтдаа шинэ оноо угтаж, амжилт бүтээлээ дүгнэн цэгнэх гайхалтай үдэш байх болно.