МУ-ын Засгийн газраас жижиг, дунд үйлдвэрлэлийг дэмжин иргэдээ өөрсдийн гэсэн орлогын эх үүсвэртэй болоход нь ихээхэн анхаарч олон талын үйл ажиллагаа авч хэрэгжүүлж байгаа. Аливаа бизнесийн том жижиг санааг хэрэгжүүлэхэд ТЭЗҮ-ээ боловсруулах нь хамгийн чухал юм. Гэвч Оюу толгой, Таван толгой хүртэл ТЭЗҮ-гүй үйл ажиллагаагаа явуулсаар байна. Хэзээ нөөц нь дуусч, хэр хэмжээний ашиг олох нь хүртэл тодорхойгүй байгаа юм. Аливаа бизнесийг эхлэхдээ өнөөдрийг биш маргааш, нөгөөдрийг харж эхлэх нь амжилтын гол түлхүүр болох юм.
Аливаа үйлдвэрлэлийг шинээр эхлэж, эрхлэн явуулахын тулд юуны өмнө заавал урьдчилсан тооцоо сулдалгаа хийж, тэр үйлдвэрлэлийг байгуулахад гарах нийт зардал, үйлдвэрлэл эхлэн байгуулсанаар гаргасан өртөгийг зарлагаа ямар хугацаанд бүрэн төлж барагдуулан үр өгөөжөө хэзээнээс өгч эхлэн, тэрхүү ашгийн хэмжээ нь ямар байхыг нь урьдчилан бодсоны үндсэн дээр үйлдвэрлэлээ төлөвлөн хэрэгжүүлэх ажилдаа ордог.
Өөрөөр хэлбэл хүчин чадлын хувьд бичил жижиг бай, асар том ч бай ямар ч үйлдвэрлэлийг байгуулж ажилуулахад дээр өгүүлсэн тооцоо буюу Техник эдийн засгийн үндэслэл /ТЭЗҮ/ хийх нь тухайн үйлдвэрлэл нь алдагдалгүй үр өгөөжтэй ажиллах магадлалын баталгааг урьдчилан гаргаж өгдөг.
Тэгвэл ТЭЗҮ-г хийхэд бүрдүүлэх өгөгдөлд юу хамаарах вэ? Үүнд:
1. Тухайн үйлдвэрлэлийг байгуулах болсон шалтгаан, хэрэгцээ, боломжийн талаар хийсэн судалгаа тайлбар, танилцуулга хийгдэнэ.
2. Үйлдвэрийн байршил хаана байх, шаардлагтай дэд бүтцийн эх үүсвэртэй эсэх /ус, түлш, цахилгаан, зам, харилцаа холбоо/ хэрэв байхгүй бол ямар эх үүсвэрээр ямар хөрөнгөөр хэдий хугацаанд бий болгох
3. Уг үйлдвэрт шаардлагтай түүхий эд, материалыг хаанаас яаж хангах
4. Үйлдвэрлэгдсэн бүтээгдэхүүний борлуулалтын хэмжээ, зах зээлийн хэрэгцээ түүний үндэслэл болон ямар хүчин чадалтай үйлдвэр болох /сарын, жилийн үйлдвэрлэл бүтээгдэхүүний нэр төрөл /
5. Үйлдвэрлэлийг хаанахын ямар технологоор явуулах, үйлдвэрлэлийн техникийн сонголт ашигдах тоног төхөөрөмжийн тоо, тус бүрийнх нь техникийн үзүүлэлт ажилбарын онцлог
6. Технологын зориулалт, машин механизмын тоо тус бүрийн хүчин чадал техникийн үзүүлэлт
7. Сонгосон технологит үйлдвэрлэлийг явуулах шаардлагтай мэргэжлийн болон ажиллах хүчний тоо
8. Ажиллагсдын цалин
9. Үйлдвэрлэлийн байршил барих хугацаа, барилга байгууламж, зам тээвэр
10. Үйлдвэрлэлд шаардлагатай цэвэр бохир усны хангамж, ашиглагдах шугам сүлжээ тэдгээрийн өртөг зардал
11. Цахилгаан холбооны өртөг зардал
12. Үйлдвэрлэлийн түүхий эд бүтээгдэхүүн чанарын алба шинжилгээний лабораторитой байх эсэхийг тусгасан бол өртөг зардлыг ч тооцох
Энэ бүхнийг нарын тооцож байж, уг үйлдвэрийг байгуулахад гарах зардал түнийгээ нөхөн төлөх хугацаа, түүнээс гарах үр ашигийн хэмжээ, борлуулатыг урьдчилан гаргадаг. Тиймээс аливаа жижиг том ямарч үйлдвэрлэлийг сэтгэлийн хөөрлөөр юмуу бусдыг дуурайх ая нь олдох биз гэсэн аз үзэх байдлаар байгуулж болдоггүй болохыг үйлдвэрлэл анхлан явуулахыг зорьж буй хүмүүст зөвлөмж болгон хүргэж байна.
