Барилгын салбарт өөрийн гэсэн байр сууриа эзлэх, үндэсний тэргүүлэгч барилгын компани болоход цаг үеэ мэдэрсэн, оновчтой маркетинг хамгийн чухал байдаг билээ.

Тиймээс “Барилга.МН” БЗМТөвөөс энэ салбарт үйл ажиллагаа явуулж байгаа байгууллагууд болон энэ салбарыг сонирхон судалж байгаа бүхэнд зориулан “Барилга.МН ба интернет маркетинг” сургалтыг 4 дэхь удаагаа амжилттай зохион байгууллаа.

     Энэхүү сургалтын гол зорилго нь Гутал авах гэж байгаа хүн хүнсний дэлгүүр ордоггүйтэй адил салбарын байгууллагуудыг хэрэгцээт зах зээлээ зөв мэдэрч, реклам зар сурталчилгаагаа хэрхэн олон нийтэд хүртээмжтэй, оновчтой байршуулах, зорилтот хэрэглэгчиддээ яаж өргөн хүрээтэй мэдээлэл хүргэх вэ? гэдэг арга замыг сургалтаараа дамжуулан танилцуулж байгаа юм. Мөн “Барилга.МН” сайтад гишүүнчлэлээр элссэн байгууллагуудад сайтын давуу тал болон хэрхэн ашиглах талаар дэлгэрэнгүй мэдээллийг давхар хүргэж байгаа билээ.

     Сар бүр сургалтанд хамрагдах гэсэн хүмүүсийн тоо нэмэгдэж байгаа нь сургалт үр дүнтэй цаг үеээ олсон, хэрэгцээт мэдээлэл болж байгааг харуулахаас гадна барилгын салбарт үйл ажиллагаа явуулж байгаа аж ахуйн нэгж, компаниудад маркетингийн оновчтой бодлого, сургалт дутагдалтай байгааг харуулж байна.

     Та бүхэн энэ сургалтын талаарх санал сэтгэгдлээ болон цаашид ямар чиглэлийн мэдээлэл авахыг хүсч байгаагаа бидэнд ирүүлнэ гэдэгт итгэлтэй байна. Бидний үүд хаалга үргэлж нээлттэй байх болно.