Хот тохижилтын ажлын хөрөнгө оруулалтын тодорхой хэсгийг өнгөрсөн жилээс дүүргүүдийн Засаг дарга нарт эрх шилжүүлэх хэлбэрээр хэрэгүүлж байгаа нь үр дүнтэй болж буй. Өнгөрсөн жилд усан оргилуур, ногоон байгууламж бүхий тохижилтын ажилд зарцуулах нэг тэрбум төгрөгийн эрхийг дүүрэг бүрт шилжүүлснээр Улаанбаатар хотын хэмжээнд нийт 44 усан оргилуур бий болж, бичил цэцэрлэгүүдийн тоо ч өссөн. Тэгвэл энэ жил тохижилтод зарцуулах мөнгийг хоёр тэрбум болгон өсгөжжээ. Түүнчлэн ногоон байгууламжийг нэмэгдүүлэх, хотын орчны бохирдол, ялангуяа тоосжилтыг багасгах бодлого энэ жил хэвээр үргэлжилнэ. Харин дүүргүүд хоёр тэрбум төгрөгөөр ямар тохижилт хийх зураг төсөл, төлөвлөгөөгөө энэ сарын сүүлчээр нийслэлийн удирдлагуудад танилцуулах юм байна.

Р.Цэцэг     / www.top.mn /