“Хойноос ирээд хот минийх, Хотонд ороод хонь минийх” гэдэг үгийг зүгээр нэг хэлээгүй бололтой. Барилгын салбар хөгжиж эх орны бүтээн байгуулагчдын хүрээ тэлж байгаа ч урд хөршөөс орж ирсэн компаниудын тоог багасгаж чадахгүй байсаар байна. Бүтээн байгуулалтанд үндэсний хэмжээний компаниуд ажиллаад байх боломж бололцоо байгаа учраас бид өөрсдийн хүчээр бүтээн байгуулалтаа хийх хэрэгтэй гэдгийг баталсан үйл явдал гарсаар байна.

      Хятад барилгын зарим нэг компаниуд монгол ажилчдын цалинг хэдэн сараар нь өгөхгүй байна гэсэн мэдээлэл сүүлийн үед хэвлэл мэдээллийн хэрэгсэлээр нилээдгүй цацагдах болсон. Хятад удирдлагууд нь ажил ихтэй хэмээн өдөр шөнөгүй ажиллуулсан хэрнээ цалин өгөх өдрөө мөнгө байхгүй гэсэн шалтгаанаар монгол ажилчдын хөдөлмөрийг шулж байгаа хэргийг тоохгүй байсаар л байх уу?

Өчигдөр орой ТВ8 телевизээр ийм төрлийн мэдээлэл цацагдаж байна лээ. Хятад эзэнтэй барилгын компани монгол ажилчдын цалинг өгөхгүй болохоор нь аргаа барсан монгол ажилчид телевиз дуудаж олон нийтэд хүргэхийг хүсч. Телевиз ирэх бараа сургаар алга болсон уу? ямартай ч барилгын компанийн эзэн байхгүй гэргий нь “цалин өгөх мөнгө байхгүй маргааш найз нөхдөөсөө зээлж байгаад өгий” гэсэн хэнэггүй хариулт өгөөд зогсож байна лээ. Бүхэл бүтэн улс орны бүтээн байгуулалтын салбарт ажиллаж байгаа компани ийм зүйл яриад зогсож байдаг. Тэдэнд хариуцлага гэдэг зүйл огт алга. Эх оронд нь монгол ажилчдад ингэж хандаж байгаа хүмүүс өөрсдийн эх орондоо монгол хүмүүстэй ямархуу байдалтай харьцдаг бол гэсэн харууссан бодол төрлөө.

     Үүний зэрэгцээ ажилчдын цалингаа өгч чадахгүй байгаа компани иргэдийн амгалан тайван амьдралын баталгаа болсон барилга байгууламж барьж байгаа гэхэд эргэлзмээр...