Нийслэлийн 15 мянга гаруй иргэнд орон нутагт газар өмчлөх эрхийг олгохоор болжээ. Эхний удаад Төв, Архангай,

Сэлэнгэ аймагт газар өмчлүүлэхээр нутгийн захиргаанаас зөвшөөрөл аваад байгаа гэнэ.

Эдгээр аймагт газар өмчлөх сонирхолтой иргэд хүсэлтээ эхлээд тодорхой гаргах учиртай аж. Ингэхдээ Нийслэлийн газрын албанаас гадна тухайн сонгосон аймгийнхаа Газрын албаныханд хандаж болох юм байна. Одоогоор нийслэлийн 7000 гаруй иргэн Төв аймагт газар аваад байгаа юм байна.

Тус аймагт шинээр 9900 гаруй хүнд 0.07 га газар олгох боломжтойг нутгийн удирдлага  хэлж байгаа. Нийслэл орчимд шинээр газар олгох боломжгүй байгаа тул дээрх шийдвэрийг гаргасан хэмээн албаны хүн хэлж байлаа.

Дашрамд дуулгахад, нийслэлийн нийт газрын 65 хувь нь тусгай хамгаалалттай бүс, дээр нь ой мод, гол ус төмөр замын газрыг хасахаар 70 орчим хувийг нь иргэн өмчлөх боломжгүй аж.