Газрын тухай багц хууль, түүнтэй дагалдан нэмэлт өөрчлөлт оруулах хуулийн төслүүд юм. Гишүүд дээрх хуулийн талаар хэлэхдээ цаг үеэ олсон хэлэлцэж шийдвэрлэх шаардлагатай хууль гэсэн ч нэмж зохицуулах шаардлагатай олон асуудал байна. Бэлчээр, уул уурхай, газар тариалангийн бүс нутгийн газрын маргааныг хэрэн зохицуулах нь бүрхэг байна. Хуульб атлагдсаны дараа журмаар зохицуулах болможгүй учир хуульд тодорхой оруулж өгөх хэрэгтэй гэж байв.  Газрын харилцаанд зохицуулалт хийх цаг нь болсон гэдгийг ч хэлж байв.

Ж.Энхбаяр гишүүн, газрын үнэлгээг хэн, хэрхэн тогтоох вэ, дуудлага худалдаагаар бус эрх мэдэлтний зөвшөөрлөөр авчихсан их хэмжээний талбайтай газруудыг яах вэ, зориулалтын дагуу ашиглаагүй газрыг хэрхэн зохицуулах вэ, гэх зэрэг асуултыг тавив.

Гишүүдийн асуултад хууль санаачлагч Улсын Их Хурлын гишүүн, Зам, тээвэр, барилга, хот байгуулалт, дэд бүтцийн яамны сайд Х.Баттулга, тус яамны холбогдох ажилтнууд Нийслэлийн Газрын асуудал эрхэлсэн ажилтнууд тус тусийн эрхлэх асуудлаар хариулт өгсөн.

Тухайлбал, Ж.Энхбаяр гишүүний асуултад сайд хариулахдаа, газрын үнэлгээний тал дээр гадаад орнуудын хэрэглэж байгаа туршлага бол дуудлага худалдаа л байдаг юм байна лээ. Бид энэ зарчмыг баримталж газрыг эргэлтэд оруулах нь зөв гэж бодож байгаа, нэгэнт эзэмшээд авчихсан газрыг бол дахин дуудлага худалдаанд боломжгүй юм гэв.

Мөн сайд Х.Баттулга бусад улс орнуудад Газрын хууль байнга шинэчлэгдэж цаг үетэй нь зохицуулан боловсронгуй болгож зохицуулж байдгийг дурьдаад одоогийн мөрдөгдөж байгаа хуулиар газар олгодог субьектүүд хэтэрхий олон байгаа учраас өнөөгийн газрын маргааны шалтгаан болоод байгаа. Иймд дээрх хуулийн төсөлд дүүргийн Засаг дарга тухайн дүүргийн нутаг дэвсгэрт гэр бүлийн хамтын хэрэгцээнд газар эзэмших, эрх шилжүүлэх, эзэмшил газрын гэрээний хугацааг сунгах, сууц өмчлөгчдийн холбооны орчны газраа ашиглах хүсэлтийг хүлээн авч шийдвэрлэх л эрхтэйгээр тусгасан байгаа. Энэ нь өнөө үед үүсээд байгаа эрх давхар олгох гэх мэт газрын маргааныг цаашид гаргахгүй байх нөхцлийг бүрдүүлэх юм гэлээ.

Хуралдааны үеэр гишүүд Сүхбаатарын талбай тойрсон газрын асуудлын талаар ихээхэн сонирхож байсан ба тэдний асуултад тус яамны Хот байгуулалт, газрын харилцааны бодлогын газрын даргын үүрэг гүйцэтгэгч Д.Мөнхбаатар, Сүхбаатрын талбайн урд байрлах бидний нэрлэдгээр “Сэлмэн” барилгын хувьд өөрийн эзэмшлийн газар байрлаж байсан байшингийн суурин дээр баригдсан. Харин Дуурийн театрийн урд байрлах барилга бол нийслэлээс зарласан төсөл сонгон шалгаруулалтын дагуу “MCS” групп тус газрыг авсан байгаа. Сонин хэвлэлүүдээр гараад байгаа мэдээллүүдийн хувьд усан оргилуур барихаар төсөл сонгон шалгаруулсан явдал юмаа гэж хариулсан.

Ингээд асуулт, хариулт дуусч санал хураахад гишүүдийн олонхи уг төслийг хэлэлцэх нь зүйтэй гэснээр холбогдох Байнгын хороонд нь анхны хэлэлцүүлэгт бэлдүүлэхээр шилжүүллээ.