Гадаад орчны  харилцаа

Байгальтай  нээлттэй  харьц. Амьд байгальд зүрх сэтгэлтээ  өг. Байгаль дэлхийн сайн сайхны төлөө илүү их бодож байхаа өөртөө тангарагла. Өөрийн орон гэр төрөл  хэлбэрээс нь үл хамааран амьд организмд зохих хэмжээгээр зориул. Хэрэв та орон сууцанд амьдардаг бол, энэ нь хэдийгээр харьцангуй хязгаарлагдмал нөхцөл ч гэсэн ч нар тусдаг цонхнуудаа өнгө өнгийн тарьмал цэцгүүдийг вааранд суулгаж тариарай. Тэдгээрийг услахдаа бүхий л хүрээлэн буй амьд байгалийн сайхныг магтан аялж, амандаа зөөлхнөөр “аз жаргалтай байг” гэж хэлж бай. Цаашилбал, өвлийн улиралд шувуунд тохиромжтой газар талхны үйрмэг болон тарианы үр цац. Дээвэр дээрээ ч  болно. Хэрэв та цэцэрлэг юмуу тагттай бол өөрийн амьдарч буй орчиндоо байгалийн  онгон төрх байдлыг үүсгэхийн тулд тэндээ шувууны үүр барих хэрэгтэй. Шувуу услах байгууламжинд тань тэмээлзгэнэ болон бусад  усны амьтад татагдаж  таны шувуудаар бэлгэдсэн хөх тэнгэрийн амьсгалд усны амьсгаль нэмэгдэх болно. Өдөр тутам ийнхүү аз жаргалтай мөчүүдээ амьд байгальтай хуваалцаж байгаадаа бурханд  баярла. Эргэн тойрондоо ийм орчин бүрдүүлснээр та өөрийгөө байгаль эхэд өргөл өргөсөнд тооцож болно. Цагаан болон ягаан туузыг  гол хаалганыхаа бариулны орчимд, шуудангийн хайрцаг, мөн машиныхаа жолооны хүрдэнд уявал таныг, бас хайртай хүнийг тань хамгаалж гэр бүл, орон байранд тань буян дуудах болно.өөрийнхөө амьдралд өөрийнхөө далд  хүчийг оруулж байгаагаар үргэлж төсөөлж бай.

Дотоод орчны харилцаа                            

Таны гэр дотор солонгын долон өнгө бий гэдэгт итгэлтэй бай. Тогтуун асч  байгаа лааны дөлөөр гал махбодыг төлөөлүүлж  хүндлэх хэрэгтэй. Гоёмсог ширээ, хайрцгийг хуучин  байсан ч болно өөрийн сэтгэлд нийцэхүйц өнгийн бүтээлгээр бүтээ. Түүн дээрээ гэрлийг төлөөлүүлж  шилэн вааранд шар цэцгийг,  харин бяцхан шавар вааранд дөнгөж ургаж буй ургамал суулгавал  эх дэлхийн  буюу   шороон махбодийг төлөөлнө. Тийнхүү тахилын ширээ засч   байхдаа лаа асаах хэрэгтэй ба та зөвхөн гэртээ байх үедээ хэдхэн минут асааж байвал зүгээр. Альваа зүйлээс  өчүүхэн  ч гэсэн сайн тал, аз жаргалыг олж харах бүртээ баярлаж яв. Энэ нь хэдий өчүүхэн, энгийн хэдий ч  таны ирээдүйг сайжруулж сайн сайхан бүхнийг таньд  өгөх болно. Үүнийг гал асаахдаа ч, шувуу  хооллохдоо ч, цэцэг ургамлаа услаж байхдаа ч үргэлж  бодож  тэрхүү энгийн  хэрнээ агуу бодлыг тээж яваарай. 

Туузнуудын тухай

Тууз нь оосор уяаны гоо сайхны  бэлгэдэл болдог. Бид туузыг тодорхой нөхцөл байдалд  тохируулан өнгийг нь сонгоод захиагаа тойруулан  баглаж илгээх дуртай. Энэ нь тухайн  захиаг авах  авах хүнээ хүндэтгэж буйн мөн хариу  хурдан бичихийг хүсч  байгаагийн илрэл болж өгдөг. Туузны  үзүүрт  хэдэн дусал тос  дусаавал бүр сайн байдаг. Ямар нэгэн зүйлыг  туузаар ороосноор түүнд ид шид агуулагдах болно гэж үздэг. Хэрэв та оройн  хоолныхоо ширээг тойруулан баяр  ёслолын  бэлгэдэл болсон алтан шар өргөн туузийг ороовол найзууд тань тансаг байдлыг харан  гайхан шагших болно. Туузныхаа дунд  гоёмсгоор цэцэг зангидаж чадвал бүр ч илүү сүр хүч орох болно. Энэ оройн ширээ засахад   шидэт гар тусалсан мэт  санагдаж,  зочид тань илбэдүүлсэн мэт болох вий. Гэр болон албан  тасалгаа, машиндаа ч янз бүрийн өнгийн туузнууд зүү. Мөнгөлөг өнгийн туузыг телефон утсандаа уяснаар бар хөөртэй байж, найзууд болон түншүүдээсээ нааштаа  мэдээ сонсох болно. Шүршүүрийнхээ болон крантныхаа цоргонд ногоон тууз уяснаар та усанд орох бүртээ эрүүл, тунгалаг , мэргэн  оюун ухаан, төгс төгөлдөр  хайр дурлал, ажил үүрэг гүйцэтгэх чадварыг бие сэтгэлдээ шингээн авч байх болно. Зочид тань ч мөн  өрөөнд  орохдоо дахин сэргэх мэт мэдрэмж авах болно. Нарны туяа  мэт гялалзсан шар лаа буюу туузыг мөнгө хадгалдаг газрууддаа байрлуулбал аз жаргал өөрөө тань руу очих болно. Энэ бүхнийг та амьдралдаа хэрэгжүүлээд үзэхэд илүүдэхгүй болов уу. Таньд амжилт хүсье. Үргэлжлэл бий.