“Шинэ бүтээн байгуулалт ба барилгын салбар” сэдэвт нээлттэй хэлэлцүүлэг боллоо
Төрийн болон төрийн бус байгууллагынхан “Шинэ бүтээн байгуулалт ба барилгын салбар” сэдэвт нээлттэй хэлэлцүүлэгийг Тусгаар Тогтнолын ордонд зохион байгууллаа.
Энэхүү нээлттэй хэлэлцүүлэгт ЗТБХБ-ын сайд Ц.Дашдорж, ЗТБХБЯ-ны дэд сайд Б.Цэнгэл, ГХБГЗЗГ-ын дарга Ц.Ганхүү, Улаанбаатар хотын ЗД-ын орлогч Б.Мөнхбаатар, Барилга хот байгуулалт, төлөвлөлтийн газрын дарга Э.Хүрэлбаатар гээд төрийн болон төрийн бус байгууллагын төлөөлөлүүдээс гадна барилгын салбарт олон жил ажилласан ахмад барилгачид өөрсдийн санал бодлоо хэлэхээр хүрэлцэн ирсэн байлаа.
“Шинэ бүтээн байгуулалт ба барилгын салбар” хэлэлцүүлэгээр хэлэлцэх гол асуудал нь барилгын салбарт тулгамдаж байгаа асуудлууд, гарах арга зам, 100,000 айлын орон сууц хөтөлбөрийг хэрэгжүүлэхэд тулгамдаж байгаа ямар асуудлууд байгаа талаар санал бодлоо солилцох юм. Мөн энэ хэлэлцүүлэгээс 2012 оны 4 сарын-13 нд зохион байгууллагдах “Удирдах ажилтны зөвлөгөөн”-д хэлэлцүүлэх асуудлуудыг гаргаж ирэх чухал ач холбогдолтой юм.
Хэлэлцүүлэгийн эхэнд ЗТБХБ-ын сайд Ц.Дашдорж 100,000 айлын орон сууц хөтөлбөрийн хэрэгжилт, хөдөө болон Улаанбаатар хотын зарим хэсгийг яаж дэд бүтцийн хангах, гэр хороололд амьдарч байгаа хүн амын 66%-ийг хэрхэн орон сууцжуулах вэ? гэсэн асуудлуудыг ЗТБХБЯ нэн тэргүүнийхээ зорилт болгон ажиллаж байгаа гэдгээ танилцууллаа. Шинэ бүтээн байгуулалт хөтөлбөртэй холбоотой барилгын материалын тээвэрлэлт нэмэгдсэн учраас Замын-Үүд боомт дээр ачаалал ихсэж байгаа үүнийг шийдвэрлэхээр ажиллаж байгаа бөгөөд ОССК-аас хэрэгжүүлж байгаа “Буянт Ухаа” цогцолбор хороолол дээр мониторинг хийж үзэхэд орон сууцны үнэ 850.000 төгрөг болох боломжтой.
Ер нь барилгын компаниудыг бодлогоор дэмжээд өгсөн тохиолдолд орон сууцны үнэ буурах бүрэн боломжтой гэж байгаагаас гадна барилгын компаниудыг татвараар дэмжих багц төслийг УИХ-д оруулах гэж байгаа юм байна.
Хэлэлцүүлэгийн үеэр ЗТБХБ-ын сайдаас 100,000 айлын орон сууц хөтөлбөртэй холбоотой хэдэн асуултанд хариулт авлаа.
ЗТБХБЯ-аас гаргасан 6%-ийн зээлд хамрагдах орон сууцны жагсаалтны орон сууцнууд ихэвчлэн төслийнхөө шатанд яригдаж байгаа орон сууцнууд байгаа. Үүн дээр тайлбар өгөхгүй юу? Энэ төсөл хөтөлбөр 2016 он хүртэл хэрэгжинэ. Орон сууцны барилгын хөрөнгө оруулалтын асуудал бүрэн шийдэгдсэн тохиолдолд 18 сарын хугацаанд ашиглалтанд ордог. Тэгэхлээр одоо төслийн шатандаа яваа барилга 2013, 2014 он гэхэд бүрэн ашиглалтанд орно. Аливаа юмыг нэг өнцгөөс биш өргөн хүрээтэй харах хэрэгтэй.
Орон сууцны м2-ийн үнийн асуудал хэзээгээр тодорхой болох вэ?
Үнийн асуудал дээр тушаалыг өнөө маргаашгүй гаргана. Би сая хэлсэн 900,000-1,000,181 төгрөг болсон байна лээ.
Зээл олгох арилжааны банкуудын тухайд?
Арилжааны бүх банкууд зээлийг олгоно.