Оюутны тэтгэлэгт хөтөлбөр
 
 Барилга угсралт, зураг төсөв, материал үйлдвэрлэлийн “Баганат Өргөө” ХХК нь 1996 оноос хойш барилгын салбарт тасралтгүй үйл ажиллагаагаа явуулж байгаа Монгол Улсын зөвлөх инженер, мэргэжсэн инженерүүд, тэргүүлэх төсөвчид зэрэг шилдэг инженерийн багаар удирдуулсан Монгол Улсын Топ-10 барилгын компанийн нэг юм. Тус компани нь 15 жилийн ойн баярыг тохиолдуулан Монголын Барилгын Инженерүүдийн холбоотой хамтарч их дээд сургуульд амжилттай сайн суралцаж байгаа шилдэг оюутнуудын дунд “Баганат Өргөө ХХК-ны нэрэмжит оюутны тэтгэлэгт хөтөлбөр”-ийг зарлаж байна.                                                            Хөтөлбөрийн зорилго
 
Боловсролын салбарыг дэмжих үйл ажиллагааны хүрээнд Монгол Улсын магадлан итгэмжлэгдсэн их дээд сургуульд барилгын мэргэжлээр мэдлэг боловсролтой чадварлаг мэргэжилтэн болохыг эрмэлзэн суралцаж буй оюутныг дэмжих, цаашид тогтвортой ажлын байраар хангахад оршино.
 Тэтгэлэгт хамрах хүрээ, хэмжээ, оюутны тоо
 
ШУТИС-н БИАС болон ЭХИС-уудад Иргэний ба үйлдвэрийн барилгын инженер, Сантехникийн инженер, Барилгын менежмент, Цахилгааны инженер мэргэжлээр бакалаврийн, өдрийн ангид 3.5 буюу түүнээс дээш ангид суралцдаг ба “Баганат Өргөө” ХХК-ны оюутны тэтгэлэгт хөтөлбөрт хамрагдахыг хүсэж, шаардлагуудыг хангаж, шалгаруулалтуудад тэнцсэн 4 оюутан юм.
 “Баганат Өргөө” ХХК-нынэрэмжит тэтгэлэгт оюутан нь 2012-2013 оны хичээлийн жилд сар бүр 80'000 төгрөгийн тэтгэлэг авах ба сургуулиа амжилттай төгсвөл “Баганат Өргөө” ХХК-ны хүний нөөцийн санд бүртгэгдэн цаашид үндсэн ажилтан болох давуу талтай юм.
 Тэтгэлэгт шалгарснаар оюутан таньд дараах боломжууд бий болно. Үүнд:
 
1.      Суралцаж буй хугацаандаа мөнгөн тэтгэлэгт хамрагдах
2.      Дипломын өмнөх Технологийн дадлага, Үйлдвэрийн зохион байгуулалтын дадлага, Зураг төслийн дадлага хийх боломж
3.      Баганат Өргөө ХХК-ны үндсэн ажилтан болох боломж
Тавигдах шаардлага
 
1.      Тухайн мэргэжлийн сурлагын голч дүн (GPA)-3,0 (онооны системээр 85%)-аас дээш дүнтэй, төгсөх болон төгсөхийн өмнөх ангийн бүх оюутан тэтгэлэгт хөтөлбөрт оролцох эрхтэй.
 Дараах мэргэжлээр сурч буй ангийн оюутан байна. Үүнд:
·         Иргэний ба үйлдвэрийн барилгын инженер
·         Сантехникийн инженер
·         Барилгын менежмент
·         Цахилгааны инженер
3.      Англи хэл эсвэл аль нэг гадаад хэлийг дундаас дээш түвшинд эзэмшсэн.
4.      Цаашид одоо суралцаж буй сургуульдаа тогтвортой суралцах. /сургууль хооронд шилжих болон мэргэжлээ солих эсвэл гадаадын их, дээд сургуульд суралцах ойрын хугацааны төлөвлөгөөгүй байх/
 Шалгаруулалт
 
Материалын шаардлага хангасан оюутныг дараахи үе шаттайгаар шалгаруулна.
·         Төмөр бетоны долоо хоногийн аян-2012-т оролцсон бол давуу тал болно.
·         Оюутнуудын анкет болон дагалдах материалаас анхан шатны сонгон шалгаруулалт хийх.
·         Ярилцлагын шалгаруулалт
·         Тэтгэлгийн гэрээ байгуулах
   Материал хүлээн авах хугацаа:
 
2012 оны 03 сарын 12-с 2012 оны 04 сарын 15 өдөр хүртэл
Материалыг info@baganaturguu.mn, tsendsuren@baganaturguu.mnцахим хаягаар болон Монголын Барилгын Инженерүүдийн Холбооны байранд хүлээн авах ба дараах материалыг хавсаргана. Дэлгэрэнгүй мэдээллийг 99884024, 99085635 утсаар лавлана уу.
·         Анкет /загварын дагуу/
·         Цээж зураг
·         Иргэний үнэмлэхийн хуулбар
·         Сурлагын голч дүнгийн хуулбар
·         Харьяалагдах тэнхим /зөвлөх багш /-ийн тодорхойлолт
Жич: Аль нэг материал дутуу тохиолдолд шаардлага хангаагүйд тооцон хасахыг анхаарна уу. Мөн материалуудаа нэгтгэн дарааллын дагуу нүхтэй гялгар хавтсанд хийсэн байх шаардлагатай. Дэлгэрэнгүй мэдээллийг:www.baganaturguu.mn веб сайтаас авч болох ба анкетын загварыг файлаар татан авч болно.
 Баянгол дүүрэг 20 –р хороо, үйлдвэрийн баруун бүс 99, өөрийн байранд
 
 Улаанбаатар 211121,  шуудангийн 21–р салбар,ш/х – 608,
 
 Утас: 688692, Факс: (+976) 688693        И-мэйл: info@baganaturguu.mn