Зургаа сонго

Өөрийн зургийн цомгоосоо том хэмжээтэй, дүрслэл сайтай, ханын цаас байхад тохирохоор зургаа эхлээд сонгох хэрэгтэй. Зургаа сонгосны дараагаар уг зураг том хэмжээтэй болгоход тохиромжтой, нягтрал сайтай зураг эсэхийг сайн шалгах хэрэгтэй. Хэрвээ зураг тань нягтаршил муутай байгаа тохиолдолд зураг угаах үйлчилгээ явуулдаг газраас очиж нягтаршил сайтайгаар хэвлэж өгөхийг асуух хэрэгтэй. Манайд зөндөө олон хэвлэлийн компаниуд байдаг болохоор аль нэг лүү нь очоод зургаа хананыхаа хэмжээнд тааруулан хулдаасан хэвлэлээр хэвлүүлэх хэрэгтэй. 

Макет ашиглах

Өөрт байгаа макетаа хананыхаа хэмжээнд тохируулан тайраад ханандаа тааруулж үзэх. Хананд таарч буй макетаа хуйлж аваад хадгалах хэрэгтэй. 

Ханыг бэлдэх

Уг зургийг суулгах явцад өртөх ойр орчмын хэсгийг болоод шалыг будаг дусахаас хамгаалсан алчуур хийж өгөх хэрэгтэй. Ханан дээрх янз бүрийн жижиг нүх сүвийг спакл ашиглан бөглөж замаскдах.  Замаскдсан ханыг хатаахын тулд хэсэг хугацаанд хүлээж, хатсаны дараагаар хуурайгаар хуурайдаж ханыг тэгшлэх хэрэгтэй. Дараагаар нь халуун савантай усанд байлгасан алчуураар хананы тоосыг арчиж цэвэрлэх. Цэвэрлэсэн ханыг өнхрүүшээрээ эмүльсдэнэ. 

Зургаа тайрах

Хулдаасан дээр хэвлэсэн зурган дээрээ макетаа тавьж байгаад макетны хүрээг дагуулан харандаагаараа хүрээлнэ. Түүний дараагаар хулдаасан хэвлэлийг харандаагаар хүрээлснийг дагуулан цаасны хутгаар зүснэ. 

Зургийг хананд байрлуулах

Тайрсан зургаа ханан дээрээ тавьж хэмжээг нь шалгах үзэх хэрэгтэй. Дараагаар нь өнхрүүшээрээ ханын цавуугаа ханандаа түрхэх хэрэгтэй. 5-10 минутын дараа зургаа цавуутай ханан дээрээ уг хулдаасан зургаа тавьж наалдуулах хэрэгтэй. Ханын цаас тэгшлэгчээрээ ханын цаасаа жигдхэн тэгшилж илүү хийг гарга хэрэгтэй. Мөн илүүдэж буй хэсгийг цаасны хутгаараа тайрч авах.

Цэвэрлэгээ

Халуун савантай усаар хулдаасан хэвлэлийн нүүрэн дээр наалдсан ханын цавууг угааж цэвэрлэх хэрэгтэй. Гадаргуу хэсэг цэвэрхэн болтол 3-4 удаа үүнийг давтан хийнэ.