Монголын Барилгын Инженерүүдийн Холбоо нь барилгын салбарт инженер мэргэжилтэн бэлтгэдэг их дээд сургууль, коллежуудын оюутнуудын дунд “Барилгын мэргэжлийн англи хэл”-ний тэмцээнийг тав дахь удаагаа амжилттай зохион байгууллаа.

         Тус Тэмцээн нь 2 үе шаттай явагдсан. 1-р шатанд оюутнууд “I’m civil engineer” сэдэвт эссэ бичлэгийг англи хэлээр бичсэн бөгөөд эхний шалгаруулалтанд нийт 61 оюутан оролцсон. Тэмцээний 2-р шатны шалгаруулалт 2012 оны 4-р сарын 21-нд  ШУТИС-ийн ТВ Зааланд болсон бөгөөд эхний шатнаас шалгарсан нийт 16 буюу БТК-с 5, ТТК-с 2, БИАС-9 оюутанууд оролцсон бөгөөд тэдгээрээс 5 оюутан  түрүүлж, эхний 3 байрыг эзэлсэн ба үзэгч хөгжөөн дэмжигч оюутнууд ирж хөгжөөн дэмжлээ. Тэмцээний шалгууруудыг олон улсын хэмжээнд зөвшөөрөгдсөн TOEFL, IELTS зэрэг шалгалтуудын үндсэн шалгуурууд болох унших, ярих, бичих, сонсгол шалгах, орчуулах зэрэг дээр суурилан бэлтгэсэн юм.

      Шалгарч, байр эзэлсэн 5 оюутнуудаа танилцуулвал, I-р байрыг  138 оноогоор ШУТИС-Барилгын Инженер Архитектурын Сургуулийн Архитектурын  ангийн оюутан Э.Саруул, II-р байрыг  131 оноогоор ШУТИС- Барилгын Инженер Архитектурын Сургуулийн Иргэний ба Үйлдвэрийн Барилгын инженерийн ангийн оюутан Н.Болд-Эрдэнэ, III-р байрыг 110 оноогоор Барилгын Инженер Архитектурын Сургуулийн Иргэний ба Үйлдвэрийн Барилгын инженерийн ангийн оюутан Д.Булган, 109 оноогоор Барилгын Инженер Архитектурын Сургуулийн Иргэний ба Үйлдвэрийн Барилгын инженерийн ангийн оюутан С.Бекжан, 104 оноогоор ШУТИС- Барилгын Инженер Архитектурын Сургуулийн Архитектурын ангийн оюутан Б.Төгөлдөр  нар шалгарсан байна. Шалгарсан 5 оюутанд ивээн тэтгэгч компанийн гарын бэлгийг "Баганат-Өргөө" ХХК-ийн менежер гардууллаа.

       Тэмцээний шүүгчдээр, МБИХ-ны Удирдах зөвлөлийн гишүүн, БИАС-ийн БШЗТА багийн багш,  профессор М.Оюунчимэг, Германы Техникийн Их Сургуулийн судлаач багш  Burghardt Mattias, Австралийн Үндэсний Төвийн Мэргэжлийн боловсрол, Судалгааны зөвлөлийн гишүүн, Хойд Австралийн Флиндерс их сургуулийн докторант А.Алимаа, "Канто констракшн" ХХК-ийн ахлах инженер, Өмнөд Солонгосын Kwangwoon их сургуулийн мастер Б.Батцэцэг нар ажиллалаа.

       Тэмцээнийг зохион байгуулах ажлыг дэмжин, ивээн тэтгэсэн барилга угсралтын “Баганат-Өргөө” ХХК, “Сензо констракшн” ХХК, “МВС” ХХК, "Барилга.МН" Барилгын Зөвлөгөө Мэдээллийн Төв хамтран зохион байгуулсан. Барилгын Инженер Архитектурын Сургууль, Техник Технологийн Коллеж, Барилгын Коллежийн хамт олонд талархал илэрхийлье.