Манай холбоо нь ирээдүйн барилгын инженерүүд болох барилгын мэргэжлээр сурч байгаа оюутнуудынхаа мэдлэг боловсролыг хөгжүүлэх, дэмжих зорилготойгоор “Барилгын мэргэжлийн англи хэл”, “Төмөр бетоны долоо хоногийн аян” тэмцээнүүдийг жил бүр зохион байгуулдаг уламжлалтай билээ. Энэ жилийн “ Төмөр бетоны долоо хоногийн аян” -2012 тэмцээн маань 04 сарын 09-13-ны хооронд ШУТИС-ийн БИАС дээр амжиллтай зохион байгуулагдлаа. Энэхүү аяны гол зорилго нь “Төмөр бетон бүтээц” хичээлээр олж авсан мэдлэгээ батжуулах, онол практикийг хослуулах, багаар ажиллах чадварыг хөгжүүлэхэд оршино. Аян маань 3 үе шаттай явагдлаа. 1-р шат нь төмөр бетон Арк-г төсөллөн тооцож, арматурыг зангидан, бетон цутгаж, бэхжүүлэн турших, 2-р шат нь ханын илтгэл, 3-р шат нь эрдэм шинжилгээний хуралд илтгэл тавих уралдаан байв. Тэмцээнийг  “Баганат-Өргөө” ХХК, “Ган харш” ХХК, “Дельта констракшн”ХХК-иуд ивээн тэтгэлээ. Мөн шүүгчээр МБИХ-ны гүйцэтгэх захирал Б.Гантөмөр, БИАС-ийн БШЗТА багийн ахлах багш Б.Эрдэнэболд, Барилгын конструкцийн багийн багш Б.Жавхлан нар шүүн, БИАС-ийн профессор Я.Дүйнхэржав, багш М.Сугар, багш Д.Энхгэрэл нар бэлтгэн явууллаа. Аянд нийт 60 гаруй оюутны 10 гаруй баг оролцсноос 1-р байрт Э.Бэхтөр ахлагчтай “Ultimate strength” баг, 2-р байрт Г.Төгсжаргал ахлагчтай “S and C” баг, 3-р байрт Г.Адъяажав ахлагчтай  “Concentrated load” багууд шалгарч өргөмжлөл, мөнгөн шагналын эзэд болсон юм. Бидний зохион явуулсан арга хэмжээтэй хамтран ажиллаж, дэмжиж буй “Баганат-Өргөө” ХХК, “Ган харш” ХХК, “Дельта констракшн” ХХК-иудын хамтын олонд талархлаа илэрхийлэхийн хамт та бүхэнд ажлын өндөр амжилт хүсэн ерөөе.