Building's technology ХХК-ийн Төв оффис,Улаанбаатар хот
“Building Technology” ХХК-ийн төв оффисийн барилгын зураг төсөл нь Монголын барилгын салбарт шинэ соёлыг нэвтрүүлсэн бүтээл болсон. Захиалагч төвлөрсөн эрчим хүчний хангамж хүрэлцээ муутай, агаарын бохирдол ихтэй өнөө үед эдгээр асуудлыг шийдвэрлэсэн, монгол ахуй, соёлыг тусгасан барилга барихаарSWISSMADE компанид захиалга өгч, хамтран ажилласан.
Хүн өдөрт 3-аас доошгүй цаг нарны гэрэлд байснаар эрүүл, өндөр бүтээмжтэй ажиллах чадамжтай болдог. Аливаа оффисийн барилгад ажиллах тав тухтай орчин, эрчим хүчний тэнцвэртэй, ухаалаг хэрэглээг дэмжсэн техник технологитой байх шаардлагатай. Ажил олгогчид болон хөрөнгө оруулагчид ийм нөхцөлд өндөр бүтээмжтэй ажиллах орчин нөхцөл бүрдүүлэхийг хүсдэг.
Уг барилгыг төлөвлөхдөө архитектурын хувьд газар зүйн чиглэл, нарны тусгалыг харгалзан өмнө талд шаталсан, бүсэд талуудад босоо гадна хануудыг төлөвлөсөн.
Фасадны хийц нь монгол гэрийн ханыг санагдуулах бөгөөд байрлуулах, бусад хэсгийг гадагш товгор хэлбэртэй утсан бетон хавтан суулгасан. Энэхүү хавтанг зөвхөн энэ барилгад зориулан Швейцарь инженерүүд зохион бүтээсэн. Иймд энэ барилга хэдийгээр том боловч хөнгөн, дулаахан сэтгэгдэл төрүүлнэ.
Барилгын гол хаалга хойд талд байрлах ба үүдний танхим нь 2 давхар үргэлжилсэн том орон зай байна. Барилгын зоорийн ба 1-р давхарын урд хэсэгт машины зогсоол байрлана.
2-р давхарт үзэсгэлэнгийн танхим ба ресторан төлөвлөсөн ба өмнө талд 2-3 давхарт үргэлжилсэн том орон зай байна. Энэхүү орон зайд ногоон байгууламж.
3-14 давхарт оффисийн том танхимууд төлөвлөсөн ба өмнө талд 3 давхар тутамд үргэлжилсэн том орон зай байх ба энэ нь жилийн турш ногоон байгууламж байна.
Эдгээр ногоон байгууламжууд нь барилгын дотор уур амьсгалыг цэнгэгжүүлэн төгс бичил уур амьсгалыг бүрдүүлнэ.
Барилгын гол цөм нь ган хийц төлөвлөсөн ба энэ нь салхи ба газар хөдлөлтийн ачааллуудыг тэсвэрлэх хошуун хийц болно. Уг хийцийн хана нь нэвт харагдах шилэн хананууд байх тул өдрийн турш байгалийн гэрэл нэвтэрнэ. Энд уулзалтын өрөөнүүд байх нь зохимжтой гэж үзсэн.
Хамгийн дээд давхарт хурлын танхим байх ба хучилтанд байрлуулах цонхоор дэлхийд гайхагдсан монголын хөх тэнгэрийг харах боломжтой. Уг цонхнууд нь мөн шаардлагатай тохиолдолд утас зайлуулах, агааржуулах онгойдог, автомат удирдлагатай байна.
“ВТ” ХХК нь барилгыг хэсэгчилэн ашиглах ба үлдсэн хэсгийг зах зээлд борлуулахаар санал болгох болно.