Архангай аймагт 2012.04.25-ны өдөр “Архангай-Шинэ Орон Сууц 2012” нэгдсэн арга хэмжээ нээлтээ хийлээ. Энэ арга хэмжээг Архангай аймагт барилга, бүтээн байгуулалтын ажил эрчимтэй хийгдэхээр төлөвлөгдөж байгаатай холбоотойгоор ГХБГЗЗГазар, Архангай аймгийн ЗДТГазар, ГХБХБГ, Барилга.МН БЗМТөв, ОССК  зэрэг байгууллагууд хамтран зохион байгуулж байна.

 Арга хэмжээг нээж засаг даргын орлогч Г.Чулуунбаатар аймгийн барилга хот байгуулалтын талаар мэдээлэл хийж үг хэллээ.

 Архангай аймагт хэрэгжиж буй бүтээн байгуулалт, хөрөнгө оруулалтын талаар Архангй аймгийн ХБХэлтсийн дарга Б.Өсөхбаяр илтгэл тавилаа.

Аймгийн ГХБХБГазрын дарга Ч.Отгонжаргал иргэдийг орон сууцжуулах бодлогын хэрэгжилт, цаашдын зорилтын талаар товч танилцуулга хийсэн юм. ОССКорпорацын мэргэжилтэн Анхбаяр 100000 айлын орон сууц хөтөлбөрийн талаар аймгийн иргэдэд дэлгэрэнгүй мэдээлэл өгч иргэдийн сонирхсон асуултанд хариулт өглөө.

ГХБГЗЗГазрын БНААхуйн албаны дарга Д.Гантулга орон сууцны үнэ, талбай тооцох аргачилал, худалдан авалтын анхаарах зүйлсийн талаар иргэдэд сургалт хийлээ.

 Мөн Барилга.МН БЗМТөвийн захирал Г.Батсүх барилгын шинэ техник технологи, салбарын мэдээлэл хэрхэн яаж авах тухай,  МЦХҮХолбооны ерөнхийлөгч Ц.Гантөмөр цонх хаалганы чанар стардартын талаар мэдээлэл хийсэн юм.

НҮБ-ын Эрчим Хүчний Хэмнэлттэй Барилгын Төслийн менежер Мөнхбаяр эрчим хүчний хэмнэлттэй хувийн орон сууцыг орон нутагт хэрхэн барих талаар сонирхолтой сургалт явуулах юм.

Уг арга хэмжээний хөтөлбөрт мэдээлэл, сургалт семинараас гадна  аймагт үйл ажиллагаа явуулж буй барилгын материал үйлдвэрлэгчид, барилга угсралтын компанийн төлөөлөгчидтэй уулзах уулзалт багтсан байгаа юм байна.

 Нэгдсэн арга хэмжээнд хот хөдөөгөөс нийт 300 гаруй төлөөлөгчид хамрагдаж байна.

Архангай аймаг иргэдийг орон сууцжуулах хөтөлбөрийн хүрээнд 4100 айлын орон сууц барихаар төлөвлөжээ. 1 м2 орон сууцны үнэ 1,2-1,4 сая төгрөгийн үнэ ханштай байна.