Улаанбаатар хотын нэн тэргүүнд шийдвэрлэх асуудлын жагсаалтын эхэнд хог хаягдлын асуудал ордог. Сул талбай байвал барилга барьж хог хаядаг нь Монголчуудын гэм биш зан болсон гэлтэй.

Хүн нохой эргэлдсэн ахуйн хогноос гадна шинээр баригдсан барилгын хог хаягдал багагүй хувийг эзэлдэг. Ахуйн хогыг бөөгнүүлж байгаад ачиж болох ч бөөгнөрсөн барилгын хог төвлөрсөн цэгт нь аваачиж хаяна гэдэг амаргүй. Улаанбаатар хотод жилдээ 350-400 мянган тонн хог гардаг. Үүний 12-15 хувь нь буюу 60-аад мянган тонн нь барилгаас гардаг. Гэтэл энэ гарч байгаа хог хаяглын 14-16 тонн нь Нарангийн энгэр болон Морингийн давааны төвлөрсөн хогийн цэгт хаягдаад үлдсэн хувь нь гуу жалга, ахуйн хог хаядаг газар бас хулгайгаар хаягддаг гэсэн судалгааг мэргэжлийн байгууллага гаргасан байна.

     Тиймээс энэ асуудлыг нэг мөр цэгцлэхээр Улаанбаатар хотын Захирагчийн ажлын албаны Орчны бохирдол, хог хаягдлын менежментийн хэлтсээс зөвхөн барилгын хог хаягдлыг төвлөрсөн нэг цэгт хаяулж байх асуудлыг шийдвэрлэх журам гаргахаар хэлэлцэж байна.

     Барилга барих тусгай зөвшөөрлийг ЗТБХБЯамнаас аваад барилгаа барьдаг. Мэдээж яам хог хаягдалд нь анхаарал хандуулахгүйн ойлгомжтой. Харин энэ журам батлагдсан тохиолдолд барилга барих тусгай зөвшөөрөл авсан компани барилга барьж байгаа дүүрэгтэйгээ гэрээ байгуулна. Харин барилгаа барьж дууссаны дараа тухайн компани хог хаягдлаа төвлөрсөн цэгт хаясан гэсэн талоноо мэргэжлийн коммист үзүүлэх ёстой. Ингэснээр замбараагүй хаягдаж байгаа барилгын хог цэгцэрнэ гэж үзэж байгаа юм.