4,000,000 сая төгрөгийн хөнгөлөлтийн купонтой “Барилга.МН” сэтгүүлийн шинэ дугаар худалдаанд гарлаа
Бидний өдөр тутмын амьдралд хэрэг болохуйц олон зөвлөгөө зөвлөмж, мэдээ мэдээлэлтэй “Барилга.МН” сэтгүүлийн 02 дугаар сарын дугаар шинэ өнгө, шинэ дүр төрхтэйгээр уншигч таны гарт очиж байна. “Барилга.МН” сэтгүүл Монголд анх удаа хөнгөлөлтийн купонтой сэтгүүлийг гаргаад байгаа билээ. Энэ удаагийн хөнгөлөлтийн купон нь 4,000,000сая төгрөгийн сан бүхий урамшуулалттай байна. Та “Барилга.МН” сэтгүүлийн арын хуудсан дээр байрлах хөнгөлөлтийн купоноо авч тухайн байгууллагаас худалдан авсан үнийн дүнгээсээ хөнгөлөлтөө авах юм. Тус купон нь тухайн сардаа хүчинтэй юм.
Та бүхэн шинэ дугаараас
Дугаарын “Онцлох хүн”
Шинэхэн дугаарын “Онцлох зочин”-оор УИХ-ын гишүүн, Монголын Үндэсний Ассоциацийн тэргүүн Чулуунбат уригдан оролцлоо. “Монгол банк”-ны О.Чулуунбат хэмээн нэрлэгдсэн энэ эрхэм банк, санхүүгийн талбар дээр гучаад жил ажиллаж энэ салбарыг алган дээрээ тавьсан юм шиг мэдэрч чаддаг нэгэн. Харин барилгын салбарын талаар юу гэж ярьсан бол?... Газар доорх баялагийг газар дээрх баялаг болгон бүтээж байгаа нь Барилгын салбарынхан шүү дээ. Өнгөрсөн 2011 онд бидний муухан авсан статистик тоогоор 12000 орчим орон сууц ашиглалтанд орсон байна. Социализмын үед хамгийн олон нь Улаанбаатарт жилдээ 4000 орон сууц ашиглалтанд орж байсан. Тэгвэл одоо манайхан 12000 орон сууцыг нэг жилийн дотор ашиглалтанд орууллаа. Засгийн газрын баталсан “40.000 айлын орон сууц хөтөлбөр” үндсэндээ биелэгдлээ. Дараагийн “100.000 айлын орон сууц хөтөлбөр”-ийн хэрэгжилт эхэлж байна...
Барилга өгүүлж байна
Түүхээ мэдэхгүй хүн ойд төөрсөн сармагчин лугаа адил гэдэг. Та Улаанбаатар хотын хаа нэг газар хуучны барилга харж л байсан. Ямар утга учиртай, ямар түүхтэй гэдгийг хэн ч сонирхон үзэж байгаагүй. Шилэн ганган чамин барилга гэж хошуурч байгаа энэ үед боломж нь гарч ирвэл нураагаад газар дээр нь барилга барьчих юмсан гэсэн хорон нүд эргүүлдэж байж ч магадгүй. Энэ удаагийн түүхт барилгын булангаараа Монгол Улсын 11 дэхь ерөнхий сайд П.Гэндэнгийн ажиллаж, амьдарч байсан байшингийн түүхийг толилуулж байна.
Монголын түүхэнд хар толбо үлдсэн хэлмэгдүүлэлтийн үеийн хар шуурга Гэндэн сайдыг тойрч өнгөрөөгүй бөгөөд анх энэ байшингийн суурь хэрхэн тавигдсан чухам ямар учраас энэ байшинг онцолсон болохыг “Барилга.МН” сэтгүүлийн шинэхэн дугаараас уншаарай.
... Дөрвөн талдаа хаалгатай, хоёр давхар сууц тэр үедээ орд харш мэт санагдаж байсан гэдэг. Гэндэн сайдын сууцыг хараад “Манай Гэндэн аянчны майхан шиг шовгор байшинд оржээ. Тушаалдаа ч удахгүй юм байна” гэж шогширч байлаа. Түүгээр ч болсон уу? нэгэн удаа ажлаар гадаад оронд явж байгаад нутаг буцахаар Хятадыг дайран өнгөрөх гэтэл фашист Герингийн хамаатан гэж сэжиглэн түр саатуулсан гэлцдэг ...
Асуудал хөндсөн сэдэв
Барилгын салбарт тулгамдсан багагүй асуудал байгаа. Түүнийг хэрхэн шийдвэрлэх, ямар арга зам байгаа талаар салбарын хөгжил дэвшилд санаа зовнисон нэг нь ярьж хэлж байгаа ч ярихаас илүү нүдэнд харагдах бодит үр дүн хэрэгтэй байгаа юм. Энэ удаа “Будганд агуулагдах хар тугалганы хор хөнөөл” гэсэн сэдвийг хөндлөө. Бид бүхэн будаг хортой гэдгийг мэддэг боловч ямар их хэмжээний хорт бодис ялгаран агаарт гарч байгааг тэр бүр мэддэггүй.
Манай улсад одоо олон байшин барилга баригдаж байна. Гэтэл хэрэглэж буй материал, түүхий эдийнхээ чанарыг одооноос сайн тооцоолохгүй бол хожим хүн амьдрах аргагүй, эрүүл мэндэд хортой баахан барилгуудтай болох вий гэсэн үүднээс энэхүү асуудлыг хөндөж байгаа билээ. Энэ асуудлыг одоо л анхаарахгүй бол дан ганц эрүүл мэндийн ч бус эдийн засаг, нийгмийн томоохон хохирол гарах үндэслэлтэй юм.
Хар тугалгын хордлогод орсон хүүхэд бүх насаараа сэтгэцийн хувьд дутуу хөгжилтэй болохоос гадна зан авир нь бухимдуу, агсам, хүчирхийллийн аргаар асуудлыг шийдэх гээд байдаг хүмүүс болдог аж.
Зөвлөгөө
“Барилга.МН” сэтгүүл дугаар бүрээрээ уншигч таны өдөр тутмын ахуйн хэрэгцээнд тулгардаг бэрхшээлийг хялбархан шийдвэрлэхэд дөхөм болох зөвлөгөөг хүргэдэг билээ. Иргэдэд тулгардаг хамгийн бэрхшээлтэй асуудал нь гэрийн цахилгаан болон засвар цэвэрлэгээний асуудал байдаг. Тэр дундаа амины орон сууцны цахилгааны асуудал. Цахилгааны монтажаа буруу шийдсэнээс болж цахилгаанаас үүдэлтэй галын олон аюул байдаг. Тиймээс цахилгааны асуудлаа төлөвлөхдөө ямар өрөөны онцлогт тохируулан ямар материалыг сонгох хэрэгтэй болохыг зөвлөж байна. Ер нь цахилгаан, эрчим хүчтэй холбоотой бүхий л эргэлзээтэй асуудлыг мэргэжлийн хүнд даатгах нь таныг ямар ч эрсдэл, ухаангүй алхмаас сэргийлж чадна. Ахуйн цахилгаан хэрэгслийн тоог ихэсгэх нь сүлжээнд хэт ачаалал өгдөг. Иймээс халаагаа өгөх гэж байгаа хуучирсан дамжуулагчийг найдвартай зэсэн голтой дамжуулагчаар сольсон нь дээр.
Харин хамгийн тавгүй үе бол урсгал засвар. Энд тэндгүй хөглөрөх ханын цаас, будаг багс гээд харахаас ч дургүй хүрэм тэр байдлыг өөрчлөн сэтгэл хангалуун засвар хийхэд тань туслах үүднээс дараах зөвлөгөөг хүргэж байна.
Мөн орон сууцтай айл болгоны нэг алдаа нь гэр дотроо сайхан цэвэрхэн сайхан ч гадна балкон нь ямар аймаар байдаг билээ дээ. Тэгвэл хүний нүдэнд хамгийн түрүүн өртдөг гадна балконоо гайхалтай харагдуулах шилдэг 10 аргыг танилцуулж байна.
Монгол интерьер
Гэрийн болон албан тасалгаа бүр цаашлаад байгууллагын тань дотоод засал, интерьер таны сэтгэлд нэг л таарахгүй гадаадын сэтгүүл эргүүлж сууна уу? Тэгвэл та тэр сэтгүүлээ хойш тавиад “Барилга.МН” сэтгүүлийн “Монгол интерьер” буланг сөхөөд хараарай. Гадаадын сэтгүүлийн интерьер хамгийн сайн мундаг гэсэн ойлголтыг толгойноосоо авах цаг болж. Монголын дизайнеруудын хийж байгаа бүтээлүүд гадаадын нэр хүндтэй сэтгүүл дээр гардаг гоёмсог интерьерүүдээс дутахааргүй харагдаж байгаа биз. Гадны оронд Монгол хүмүүсийг аливаа зүйлийг сурах, шинийг санаачлахдаа сайн гэсэн үнэлгээг авдаг.
Дэлгүүрээс өөрийнхөө санаанд тохирох тохирохгүй тавилганууд авч хооронд нь зохицуулж тавих гэж байхаар мэргэжлийн хүмүүст нь хандан өөрийн санаанд тохирох зөвхөн танайд байх цор ганцхан интерьерээ Монгол дизайнаруудаараа хийлгэх боломжтой болсон байна шүү.
Гадны юм чанартай, чамин тансаг гэсэн ойлголтыг халж чадах Хамгийн чамин тансаг загвар хийцтэй интерьерийн загварыг сар тутмын “Барилга.МН” сэтгүүлээс харж хүссэн загвар дизайнаа хийлгээрэй. Танд таалагдана гэдэгт итгэлтэй байна.
Хаус Хаус
Тохилог дулаахан гэр орон аз жаргалтай гэр бүлийн нэгэн нууц. Уншигч та хямд өртөгтэй амины орон сууц барихаар шийдэж, хэнээс зөвлөгөө авч юу хийхээ мэдэхгүй эргэлзэж байгаа бол түр хүлээн “Барилга.МН” сэтгүүлийн хуудсыг эргүүлэхийг зөвлөж байна. Байшин барих гэдэг тийм ч амар ажил биш. Нарийн тооцоо төсөвтэй байхгүй бол танд санхүүгийн хүндрэл үүсч байшингаа дуусгаж чадахгүйд хүрэх болно. Тийм учраас таны ажлыг хөнгөвчлөх үүднээс бид та бүхэнд мэргэжлийн байгууллагатай хамтран нарийн төсөвтэй цогц мэдээллийг хүргэж байна. Төлөвлөж хийсэн ажил цаг зав, санхүүгийн асуудлыг бүрэн шийдэх боломжыг олгодог. Хэрвээ таньд өөрөө барихад хүндрэлтэй байгаа бол тухайн байгууллагаар нь чанарын өндөр түвшинд бариулж ч болно.
Урин дулаан цаг ирж байгаа энэ үед зуны налгар өдрүүдийг цэвэр агаарт гэр бүлээрээ тав тухтай өнгөрөөх хамгийн сайхан боломж “Барилга.МН” сэтгүүлийн Хаус Хаус буланд байгаа гэдгийг дуулгаж байна. Хамгийн гол нь мэргэжлийн хүмүүсийн гаргасан бодит төсөв тооцоо гэдгийг санах хэрэгтэй юм.
Айл бүхний дээвэр дор аз жаргал оршиж байг
Үнэ ханш
Орон сууц сонгох гэж элдэв янзын сонин сэтгүүл эргүүлж байна уу? Түр хүлээ! Таны эрэл хайгуул болоод байгаа мэдээлэл нэг дор байна. Барилгын салбарын мэдээллийг нэг дор багтаасан “Барилга.МН” сэтгүүлийн 02 сарын дугаарт Улаанбаатар хотод ашиглалтанд орох гэж байгаа болон орсон шинэ орон сууцны мэдээлэл, хуучин орон сууцны дүүргүүдээр нь бүсчилэн гаргалаа. Шинэ орон сууц болон хуучин орон сууцны үнэ сар бүр бага хэмжээгээр өсөн нэмэгдэж байгааг мэргэжлийн хүмүүс хий хоосон үнийн хөөрөгдөл байгаа хэмээн тайлбарлаж байгаа юм. Мөн амины орон сууцандаа засвар хийх гэж байгаа иргэддээ зориулан барилгын материалын өргөн хэрэглээний материал бүтээгдэхүүний үнийг шинэчлэн гаргалаа. Барилгын материалын үнэ харьцангуй тогтвортой байгаа ч бага зэрэг нэмэгдэж байгаа нь нөгөө л бензин шатахууны үнэтэй холбон тайлбарлаж байна.
Гэвч материал бүтээгдэхүүний үнэ тогтвортой байгааг зарж борлуулж байгаа хүмүүс засвар үйлчилгээ хийх улирал нь өнгөрч байгаатай холбон тайлбарлаж байна лээ.
Та Барилга.МН сэтгүүлээ
-ийн сүлжээ дэлгүүрээс худалдан аваарай. Мөн 
үнэгүй хүргэнэ.
үнэгүй хүргэнэ.