Клиникийн нэгдүгээр амаржих газрын хуучин байранд ашиглаж буй цахилгаан шатнуудын нэг нь өнгөрсөн ням гаригт эвдэрч, доош унасан тухай мэдээлэл манайд ирлээ. Тус амаржих газарт хэвтэн эмчлүүлж буй зарим хүн “Хэвтрийн өвчтөн, дөнгөж төрсөн эхчүүдийг дээд давхрууд руу зөөдөг цахилгаан шат элэгдэлд орсноос болоод ган татлага нь тасарсан уу, доошоо хонгилын давхар руугаа унасан. Тухайн үед цахилгаан шатаар хоёр сувилагч эмэгтэй тариагаа аваад дээшээ гарч байсан юм билээ. Маш хүчтэй унаснаас болоод тарианууд нь бүгд хагарсан, хоёр сувилагч хэсэг хугацаанд ухаан алдсан байсан” гэсэн юм.

Энэ талаар Амаржих газрын дарга Д.Энхбаяраас лавлахад “Өнгөрсөн ам ралтын өдөр манай байрны нэг талын цахилгаан шатанд саатал гарсан нь үнэн. Та бүхэнд иргэдээс өгсөн мэдээлэлд дурдсанчлан ган татлага нь тасарсан, сувилагч нар ухаан алдсан юм болоогүй. Эмчлүүлэгсэд ташаа мэдээлэл та бүхэнд хүргэсэн бололтой. Цахилгаан шатны хаалганы ган татлагад гэмтэл гарсан байгаа. Хуучны орос цахилгаан шатны сэлбэг олдохгүй байгаа, элэгдэлд орсон зэргээс шалтгаалж Мэргэжлийн хяналтын байгууллагаар дүгнэлт гаргуулахаар хандаад байна. Дүгнэлт гаргаад ашиглах боломжгүй гэж үзвэл цахилгаан шатыг солиулах асуудлыг хөндөнө” гэлээ.

Нийслэлийн орон сууц болон албан байгууллагад ашиглаж буй цахилгаан шатны аюулгүй байдал, стандартыг Нийслэлийн мэргэжлийн хяналтын газар хариуцдаг бол орон нутаг, 13-аас дээш давхар барилгын цахилгаан шатанд МХЕГ хяналт тавьдаг юм байна. Бид энэ мэдээллийг нийслэлийн МХГ-ын Дэд бүтцийн хяналтын хэлтсийн Өргөх меха низм хариуцсан улсын байцаагч Ж.Дашдаваагаас тодруулахад “Тус амаржих газраас өнөөдөр манай хэлтэст ца хилгаан шатандаа дүгнэлт гаргуулах хүсэлт ирүүлсэн байна. Үүний дагуу Ажлын хэсэг гарч, шалгахаар болсон. Яг нарийн мэдэхгүй байна. Хэрэв ноцтой осол гарсан бол цаг тухайд нь бидэнд мэдэгдэх ёстой байсан” гэсэн юм.

Клиникийн нэгдүгээр амаржих газарт ашиглаж байгаа цахилгаан шатны зарим нь 1981 онд ашиглалтад оруулснаасаа хойш нэг ч удаа их засварт хам руулж байгаагүй юм байна. Уг нь хам гийн ихдээ 25 жил болоод их засварт оруу лах, акт тогтоолгох ёстой байдаг аж. Гэвч хөрөнгө, мөнгөний асуудлаас болж, 30 жилийн настай цахилгаан шатыг үргэлжлүүлэн ашигласаар байжээ. Зарим байгууллага, орон сууц ажлын цаг дууссаны дараа юм уу, эсвэл 23.00 ца гаас хойш цахилгаан шатаа зогсоодог. Харин тус амаржих газрынхан цахилгаан шатыг өдөр шөнөгүй ашиглаж байгаа нь мэдээж. Хэрэв тухайн үед цахилгаан шатанд жирэмсэн, эсвэл хүүхдээ төрүүлсэн эхийг тээвэрлэж байсан бол ноцтой зүйл болох байсан бололтой.

Улаанбаатарт албан байгууллагад ашиглаж байгаа цахилгаан шатны аюулгүй ажиллагааг анхаарахгүй бол болохгүй нь. Сүүлийн үед ашиглалтад орсон шинэ барилгын цахилгаан шатанд ч асуудал үүсч байсан удаатай гэдгийг мэргэжлийн хяналтын байгууллагынхан өгүүлсэн юм. Тухайлбал, өнгөрсөн оны сүүлчээр “Централ тауэр”-ын нэг цахилгаан шатанд гэмтэл гарснаас доош унаж, давхруудынхаа хооронд гацаж, зогссон тохиолдол гарч байжээ.

Г.РАВЖАА

Эх сурвалж: www.mongolnews.mn