ЗТБХБЯ, ШӨХТГазар, БЗМТөв, МБМҮХолбоо зэрэг төрийн болон төрийн бус байгууллагуудын төлөөлөгчид оролцсон Орон сууцны үнийн өсөлтийг судлах ажлын хэсгийнхэн 2012 оны 3 сарын 13-15-ны өдрүүдэд Замын үүд, Эрээн хотод зочилж барилгын материалын тээвэрлэлт, импортын үнэ зэргийг судаллаа.

    Эхний өдөр Замын Үүдэд “Тээврийг хурдасгая 2012” зөвлөгөөнд оролцож, боомтын ачаа ачих буулгах байдалтай танилцлаа.   

    “Тээврийг хурдасгая 2012” зөвлөгөөний үеэр УБТЗам, Замын Үүдийн ЗДТГ, Гааль, МХЕГ, ХХЕГазар, МБҮАссоциаци, БЗМТөв, МХИХолбоо  зэрэг төрийн болон төрийн бус байгууллагуудын төлөөлөгчид үг хэлж, санал бодлоо солилцож, оролцогчдын асуултанд хариуллаа.

   Уул уурхайн  ачаа тээврийн эргэлт асар их нэмэгдэж байгаа бөгөөд УБТЗамын алдагдлыг нөхөж ажиллаж байгаа талаар тайлбарлаж байлаа.

    Төмөр замын тээвэр, үйлчилгээний талаар мэдээлэл, хүндрэлүүд түүнийг арилгах арга замуудын талаар дэлгэрэнгүй мэдээллийг өгч, барилгын материалын эргэлтийг хурдасгах тал дээр анхаарч ажиллаж байгааг онцлон тэмдэглэж байлаа.

    Барилгын материалын эргэлтийг хурдасгахын тулд вагоны тоог нэмэгдүүлэх, Замын үүд боомтын ачиж буулгах хүчин чадлыг нэмэгдүүлэх шаардлагатай санхүүгийн эх үүсвэр байхгүй бөгөөд үүнийг төрөөс шийдэж өгөхийг хүсч байлаа. 
2 дахь өдөр Өвөр Монголын Шударга Өрсөлдөөн Хэрэглэгчийн Эрхийг Хамгаалах Газар хүлээн авч, барилгын материалын үйлдвэр, захтай танилцуулж, материалын чанарын талаар санал солилцлоо.

  Мөн Эрээн хотноо хэрэглэгчий эрхийг хамгаалах өдрийг тэмдэглэж, найдвартай хэрэглэгчдийн найдвартай түнш байгууллагуудад батлаж гардуулж байлаа. Монголчуудын сайн мэдэх Менгао, Тайга цементийн үйлдвэрүүд найдвартай үйлдвэрлэгч болсон байлаа.

  Хятадаас хамгийн ихээр импортдлодог барилгын материалуудын үнийг судаллаа. Жишээ нь: Эрээнд цемент 1 тн 3,25 маркийн цемент 290 юань , 4,25 маркийн цемент 350 юань, Хебей мужийн төмрийн үйлдвэрийн арматурын төмөр дундажаар 1 тн 4200 юань байлаа.

  Төмөр замд цементний вагон хүрэлцээ муутай, Хятадын барилгын материалын үнэ ханш хэвийн байна.

   Тун удахгүй ажлын хэсгийнхэн орон сууцны үнийн өсөлтийн учир шалтгааны талаар нарийн дэлгэрэнгүй мэдээлэл өгөх болно.