Зам, тээвэр, барилга, хот байгуулалтын яам, Газрын харилцаа, барилга, геодези, зураг зүйн газар, “Мишээл групп” компани хамтран зохион байгуулж буй “БАРИЛГА - 2012” хаврын уламжлалт үзэсгэлэн яармаг 2012 оны 03 дугаар сарын 15-нд үүдээ нээлээ. Барилга угсралт, орон сууцны 120 гаруй компани болон барилгын материал үйлдвэрлэгч, импортлогчид оролцож байгаа үзэсгэлэн яармагийг Зам, тээвэр, барилга, хот байгуулалтын сайд Ц.Дашдорж нээж,

ЗТБХБ-ын сайд Ц.Дашдорж  үзэсгэлэн яармагийн нээлтийн үеэр “Монгол Улсын хэмжээнд хот төлөвлөлт, эрчим хүч, инженерийн дэд бүтэц, авто замын сүлжээг олон улсын жишигт хүргэх, хүн амын орон сууцны хангамжийг нэмэгдүүлэх зорилгоор “Шинэ бүтээн байгуулалт” дунд хугацааны зорилтот хөтөлбөрийг УИХ, Засгийн газар баталсан. Уг хөтөлбөр амжилттай хэрэгжихэд энэхүү үзэсгэлэн ач холбогдол өндөртэй” хэмээн онцлон тэмдэглэсэн юм.

Мөн Монгол Улсын Засгийн газрын үйл ажиллагааны хөтөлбөрт Барилга, хот байгуулалт, орон сууцны чиглэлээр тусгагдсан зорилтуудыг амжилттай хэрэгжүүлж, бодитой үр дүнд хүргэхэд гадаад дотоодын хөрөнгө оруулагчид, үндэсний үйлдвэрлэгчид, гүйцэтгэгч аж ахуйн нэгж байгууллагуудын өргөн оролцоо, идэвхтэй үйл ажиллагаа чухал үүрэгтэй байгааг дурдаж барилгын салбарын бизнес эрхлэгчдийг “БАРИЛГА - 2012 үзэсгэлэн яармагийн үйл ажиллагаанд идэвхитэй оролцож, бизнесийн түншлэл, үйл ажиллагаагаа өргөжүүлэн, бүтээгдэхүүн, ажил үйлчилгээгээ сурталчлан, мэдээлэл солилцох таатай боломжийг үр дүнтэй ашиглахыг уриаллаа.

"Барилга-2012" үзэсгэлэн яармаг 3 дугаар сарын 15-19-ний хооронд үргэлжилнэ.

                                                                                                  Эх сурвалж :  land-construction.gov.mn