МБХ-ноос зохион байгуулсан бизнес аялалын хөтөлбөрийн хүрээнд энэ оны 1-р сарын 9-нөөс 20-ны өдрүүдэд Берлин-Парис-Ромын чиглэлд аялал зохион байгуулсан билээ. Уг аялалын арга хэмжээнд аймаг, хотуудын   ГХБХБГ–ын дарга, ерөнхий архитектор, 15 аймгийн төлөөлөл энэ удаагийн аялалд оролцлоо. Аялалын багийн гишүүд Берлин хотын түүх дурсгалт газрууд болон ХБНГУ-ын Парламент \Бундэстаг\-ийн ордонтой танилцаж Берлиний Хотын хөгжил, байгаль орчны сенатад зочилж сенатын гишүүн, доктор Хүкэгийн “Берлин хотын хөгжил, шинэчлэл” сэдэвт илтгэлийг сонсож санал бодлоо солилцсон юм.

     Парисын шинэ хороолол La Defence манай багийн гишүүдийн сонирхолыг маш их татаж байлаа. Аялалын багийхан Берлин хотноо эргэн ирж бизнес аялалын айлчлалаа үргэлжлүүлэн Берлиний Том суурины ур чадварын төвийн дарга, ноён Р.Проц \Ralf Protz\–той ажил хэргийн уулзалт хийлээ. Берлиний ханыг нураасны дараа зүүн Берлин орон сууцны асуудалтай тулгарсан бөгөөд өөрчлөхөөс өөр аргагүй байсан гэдэг. Хамгийн зөв гарц нь хэд хэдэн барилгыг сонгон авч дундаж дүгнэлтээ гарган зардлын тооцоо, техникийн дүгнэлт гарган засварлах боломжтой барилгуудыг сэргээн босгосон байна. Харин Ноён Р.Проц энэхүү төслийг хэрэгжүүлсэн бөгөөд Hellesdorf суурингийн байдлыг манай багийханд газар дээр нь үзүүлж, засвар хийж тохижуулсан загвар орон сууц, өрөөг сонирхуулав.

    Угсармал барилгын эрчим хүчний хэмнэлтэт сэргээн засварлалт төслийг МБХолбоо, холбогдох бусад газартай хамтран хэрэгжүүлэхээр төлөвлөж байгаа бөгөөд энэ тухай бид дараа тодорхой өгүүлэх юм.

Ноён Р.Проц-Бид та бүхэнтэй орон нутаг, зах хязгаарын аймаг хамаагүй зөвлөх журмаар хамтран ажиллах саналтай байна” хэмээн үгээ төгсгөсөн юм.

    Мөн 2012 оны 6-р сард ашиглалтанд орох Берлин, Брандэнбургийн “Schonefeld” олон улсын нисэх буудлын барилгын нөр их, асар том бүтээн байгуулалттай танилцав. Шөнэфэлд суурин, түүний сүүлийн арван жилийн хөгжил, шинэчлэлийн тухай уг суурингийн захирагч, монголч эрдэмтэн, доктор Хаазэ танилцуулав. Ийнхүү МБХолбооноос зохион байгуулсан энэ удаагийн бизнес аялал амжилттай өндөрлөн уг аялалд оролцогчид их зүйл үзэж судлан өндөр сэтгэгдэлтэй эх орондоо эргэж ирлээ.