“БАРИЛГЫН САЛБАРЫН НОРМ, НОРМАТИВ БАРИМТ БИЧГИЙН ӨНӨӨГИЙН БАЙДАЛ, ЦААШИД ХЭРЭГЖҮҮЛЭХ АРГА ХЭМЖЭЭ” сэдэвт уулзалт семинарыг  ГХБГЗЗГ, Германы олон улсын хамтын ажиллагааны нийгэмлэгтэй хамтран 2011 оны 6 дугаар сарын 21-ний өдөр Корпорейт зочид буудалд зохион байгууллаа.Уулзалт семинарт ГХБГЗЗГ, ГОУХАН, Сангийн яам, Гадаад харилцааны яам, СХЗГ, Үндэсний хөгжил, шинэтгэлийн хороо, ОБЕГ, Барилгачдын холбоо, Барилгын зураг төсөл зохиогчдын холбоо, Барилгын инженерүүдийн холбоо, Барилгын материал үйлдвэрлэгчдийн холбоо, Төсөв үнэлгээчдийн холбоо, Барилга архитектур корпораци, Удирдлагын академи, Барилгын эрчим хүчний хэмнэлтийн төсөл зэрэг төрийн болон төрийн бус байгууллагуудын төлөөлөл оролцсоноос гадна Монгол улсын засгийн газрын тогтоолоор батлагдсан “Европын холбооны нийтлэг зарчим, хэм хэмжээ, стандартыг судлан нэвтрүүлэх” ажлын хэсгийн нарийн бичгийн дарга ГХЯ-ны Тусгай үүрэг гүйцэтгэгч элчин сайд Б.Батхишиг, ажлын хэсгийн гишүүн Удирдлагын академийн багш /Ph.D/ Т.Сосорбарам нар оролцож Төр засгийн бодлого, “Европын холбооны нийтлэг зарчим, хэм хэмжээ, стандартыг судлан нэвтрүүлэх ажлын бодлогын   удирлагын баримт бичгийг УИХ-аар хэлцүүлэхээр бэлтгэж байгаа талаар ярьж, оролцогсод Барилгын салбарын норм, норматив баримт бичгийн өнөөгийн байдал, цаашид хэрэгжүүлэх арга хэмжээ, барилгын салбарт Европын холбооны стандартыг нэвтрүүлэх, нутагшуулах талаар санал бодлоо солилцлоо.