Засгийн газар Азийн хөгжлийн банкийг Улаанбаатар хотод 450 МВт-ын хүчин чадалтай тавдугаар цахилгаан станцыг төрийн болон хувийн хэвшлийн түншлэлээр байгуулах ажлын зөвлөхөөр сон гов. Агаарын бохирдлыг багасгах зорилгоор хуучин станцуудыг солих гэж буй энэ үед хотын өсөн нэмэгдэж буй дулаан, цахилгааны хэрэгцээг ДЦС-5 хангах юм. Амжилттай хэрэгжвэл энэ нь Монгол Улсад зонхилж буй уул уурхайн салбараас гадна хувийн хэвшлийн оролцоотой дэд бүтцийн хамгийн том төсөл болно.

Дэлхийн хамгийн хүйтэн нийслэл гэгд дэг Улаанбаатарт ажил хайн хөдөө орон нутгаас шилжин ирэх хүн амын тоо нэмэгдсэнээс хотын дулаан, цахилгааны ачаалал жилд 5-6 хувь өсдөг. Улаанбаатарын дулаан, цахилгаа ны хэрэгцээг нүүрсээр ажилладаг гурван станц хангаж байгаагийн хоёр нь 40 ба түүнээс дээш жил, нэг нь 26 жил ажиллаж байна. Эдгээр ДЦС-ын эд анги хуучирч, үйл ажиллагаа нь муудсан учраас өвлийн улиралд бүрэн хүчин чадлаараа ажиллах үед хотын агаарыг үлэмж бохирдуулдаг.

Төр, хувийн хэвшлийн түншлэлийн дагуу шинэ цахилгаан станц барьж байгуулах олон улсын тендерийн ажлыг зохион байгуулах харилцан ойлголцлын санамж бичигт Эрдэс баялаг, эрчим хүчний сайд Д.Зоригт, Төрийн өмчийн хорооны дарга Д.Сугар, Азийн хөгжлийн банкны Монгол дахь суурин төлөөлөгчийн газрын Төсөл, хөтөлбөрийн хэрэгжилт хариуцсан тэргүүлэх мэргэжилтэн Шэйн Розентал нар өчигдөр гарын үсэг зурав.

Азийн хөгжлийн банк ДЦС-5-ыг барихад хувийн хэвшлийн хөрөнгө оруулалтыг татах үүднээс тен дерийн болон гэрээний баримт бичгийн загварыг боловсруулан Монгол Улсын Засгийн газарт дэмжлэг үзүүлэх юм. Санамж бичгийн дагуу хууль эрх зүй, санхүү, техникийн чиглэлээр АХБ-ны сонгон шалгаруулсан гурван баг энэ сард ажлаа эхлэх аж.

Тэд олон улсын тендерийн бичиг баримт боловсруулах, зарлах, үнэлэх, дүг - нэх ажлыг энэ онд багтаан дуусгахаар тө лөвлөж байна. Үүний дараа тендерт шал гарсан компанитай Концессийн гэрээ бай гуулснаар шинэ эх үүсвэрийн барилгын шат эхлэх юм.