НБХБТГ-ын архитектор, мэргэжилтнүүд 6 сарын “Ажлаа танилцуулах өдөр”-ийг Хангарьд ордны 13 давхарт байрлах “Хот байгуулалтын үзэсгэлэн”-ийн зааланд зохион байгууллаа. Улаанбаатар хотод хийгдэж буй хэсэгчилсэн ерөнхий төлөвлөгөө “Шинэ бүтээн байгуулалт” дунд хугацааны зорилтот хөтөлбөрийн хүрээнд хэрэгжүүлэх гэр хорооллын барилгажилт буюу

VII хороолол, МҮОНРТ, 14-р хорооллын хэсэгчилсэн ерөнхий төлөвлөгөөний талаар танилцуулга хийв. Мөн үйлчлүүлэхээр хандсан иргэдээс сэтгэл ханамжийн судалгаа авсан бөгөөд энэ нь үйлчлүүлэгчдийн санаа бодлыг ажил үйлчилгээндээ тусгахад чухал ач холбогдолтой юм. Иргэд хот төлөвлөлт, хотын ирээдүйн хөгжлийн чиг хандлагын талаар архитекторуудаас асууж сонирхож байсан бол Жайка олон улсын байгууллагын төлөөлөгчид Баянзүрх дүүргийн “Хөгжил” СӨХ-ийн 44-р байрны талаар тодруулга мэдээлэл авсан.