Монголын Барилгын Инженерүүдийн Холбооны 15 жилийн ойн арга хэмжээний хүрээнд зохион байгуулагдаж байгаа бүх гишүүдийн 7-р их хурал өчигдөр болж өндөрлөлөө. Энэ удаагийн их хурал холбооны 15 жил, Монгол Улсад барилгын инженер бэлтгэж эхэлсэний 50 жилийн ойтой давхцаж байгаагаараа онцлог юм.
              Хуралд холбооны гишүүн байгууллагууд болон инженерүүд оролцлоо. Холбооны 15 жилийн ойд зориулагдсан энэ удаагийн хурлаар холбооны 2 жилийн тайлан болоод цаашид авч хэрэгжүүлэх ажил, зорилтоо тодорхойлохын сацуу холбооны тэргүүн, удирдах зөвлөл, хяналтын зөвлөлийн гишүүдийг шинэчлэн сонгосон юм.
              Холбооны шинэ тэргүүнээр Э.Ганзориг, хяналтын зөвлөлийн даргаар К.Мурат нар бүх гишүүдийн саналаар улиран сонгогдлоо. Удирдах зөвлөлийн гишүүдээр Э.Ганзориг, н.Эрдэнэчимэг, н.Оюунчимэг, С.Гантөмөр, н.Жүгдэр, ц.Ганбат, Д.мягмаржав, н.Дүйнхэржав, П. Отгонбаяр нар, хяналтын зөвлөлийн гишүүдээр К.Мурат, н.Ёндонгомбо, Д.Мягмар нар тус тус сонгогдлоо.
             Мөн хурлын үеэр МБИХ анхны инженерүүдээ хүлээн авч, холбооны хүндэт гишүүнээр өргөмжлөлөө. Ахмад инженер А.Гомбо, Д.Арсланбаатар, Л.Бадгай, О.жадамба, Б.Чимэддолгор, Л.Мангал, Д.Чулуунбат нарт холбооны хүндэт гишүүн өргөмжлөл цол тэмдэг гардууллаа. Анхны барилгын инженерээр 23 хүн 1961 онд төгсч байснаас өдгөө 11 нь амьд сэрүүн байгаа юм.

             Харин залгамж халаа шинэ үеийн төлөөлөл болгож холбооны хүндэт гишүүдээр МБИХ-ны хоёрдох ерөнхийлөгч н.Чойбалсан, холбоог байгуулалцаж явсан анхны гишүүдийн нэг Л.энхцэцэг, Л.Шагдаррагчаа нарыг хүндэт гишүүнээр өргөмжлөн цол тэмдгээр шагнасан юм.
             Холбооны 15 жилийн ойн арга хэмжээний хүрээнд өнөөдөр Монгол Тайваний Барилгын инженерүүдийн холбооны хамтрасан Барилгын эрчим хүчний хэмнэлт сэдэвт семинар Монгол Японы төвд болж байна.
             Мөн Ногоон барилга сэдэвч олон улсын дугуй ширээний ярилцлага МҮХАТ-ын хурлын танхимд маргааш 10 цагт болно.