ОХУ-ын Эрхүү хотын дарга Виктор Иванович Кондршов тэргүүтэй төлөөлөгчдийг хотын дарга хүлээн авч уулзлаа. Уулзалтын эхэнд Нийслэлийн засаг дарга бөгөөд Улаанбаатар хотын захирагч Г.Мөнхбаяр хэлэхдээ: Улаанбаатар хотын нийт хүн амын 60 хувь нь гэр хороололд амьдарч байна. Тиймээс гэр хороололыг орон сууцжуулах асуудал нэн тэргүүний асуудал болж явдаг юм. Гэр хороололыг барилгажуулах ажилд Эрхүү хоттой хамтран ажиллахад таатай байна. Эрхүү хотын барилгын компаниуд энэ ажилд оролцвол таатайгаар хүлээж авах болно гэдгийг онцоллоо.

ОХУ-ын Эрхүү хотын дарга “Уулзалтын төгсөлд Нийслэлийн засаг дарга Эрхүү хот бол Улаанбаатар хотын иргэд болоод нийт монголчуудын хувьд ойр дотны хот юм. Олон зуун залуучууд Эрхүү хотод боловсрол эзэмшсэн байдгийн зэрэгцээ өнөөдөр ч гэсэн Эрхүү хотод олон зуун залуучууд сурч боловсорч байна. Хоёр хот боловсролын салбарт хамтран ажиллах ажлынхаа хүрээнд мэргэжлийн инженер, ажилчид бэлтгэх тал дээр цаашид хамтран ажиллах сонирхолтой байна. Мөн Улаанбаатар хот нь Үндэсний цэцэрлэгт хүрээлэн байгуулах ажлыг эхлүүлээд байгаа. Тиймээс цэцэрлэгт хүрээлэн байгуулах чиглэл дээр ч Эрхүү хоттой хамтран ажиллахад таатай байх болно” гэдгийг онцолсон юм.