Улаанбаатар хотын агаарын бохирдлыг үүсгэгч гол буруутан нь гэр хорооллын айл өрхүүд байдаг.

Мөн гэр хорооллын айл өрхүүд хүний наад захын эрүүл ахуйн шаардлагыг хангаагүй нөхцөлд амьдарч байна. Иймээс гэр хорооллыг орон сууцжуулах төсөл хэрэгжиж байгаа бөгөөд эхнээсээ үр дүнгээ өгч эхэллээ. Гэр хорооллыг орон сууцжуулах төслийн эхний ээлжинд Сүхбаатар дүүргийн 7 хорооны иргэд хамрагдаж байна. Нийт 210 га газраас эхний удаад 50 га газарт 10 мянган айлын орон сууц барих юм. Айл өрхүүд газраа бүрэн чөлөөлж дуусахаас урьтаж зэрэгцээ 300 айлын түр оршин суух байрыг ч барьж байна. Гэр хорооллыг орон сууцжуулах хөтөлбөр цаашид үргэлжилнэ. Баянголын ам, Буянт-Ухаад тус бүр 10 мянган айлын орон сууц барихаар төлөвлөж байна. Гэр хорооллыг орон сууцжуулах хөтөлбөрийг амжилттай хэрэгжүүлж чадвал манай улсад агаарын бохирдол буурахаас эхлээд сайн сайхан үр дүн гарах нь ээ.