Хотын төвөөс алслагдсан автобусны эцсийн буудлуудад жолооч, кондукторууд бие засч, хооллон амрах газар байдаггүй. Мөн унаа хүлээж буй иргэдийн тав тух ихээхэн алдагддаг төдийгүй автобусны буудал орчимд гэмт хэргийн гаралт их байдаг тоо баримт бий.

Тиймээс нийтийн тээврийн үйлчилгээний жолооч, кондукторуудын ажиллах нөхцлийг сайжруулах, тээврийн хэрэгслийн болон зорчигчдын хөдөлгөөний аюулгүй байдлыг хангах зорилгоор автобусны эцсийн 10 зогсоолд тохижилт, үйлчилгээний цогцолбор барих зураг төслийг боловсруулж баталгаажуулсан.Батлагдсан техникийн төслийн дагуу диспетчерийн байр, нийтийн бие засах болон халуун усны газар, цайны газрыг багтаасан олон нийтийн үйлчилгээний цогцолбор барилга барих техникийн нөхцөл авахаар Хот байгуулалт, газар зохион байгуулалтын Мэргэжлийн комиссын 2011 оны 2-р сарын 22-ны өдрийн хуралдаанаар хэлэлцүүлж, дэмжигдсэн. Энэ онд багтаан алслагдсан дөрвөн автобусны эцсийн буудлыг иж бүрэн тохижуулахаас өнөөдрийн байдлаар Баянхошуу, Шархад, Улиастайн цогцолбор барилгын ажил хийгдэж байгаа бол Дэнжийн 1000-ын эцсийн зогсоолын тохижилтын ажил удахгүй эхлэнэ.