Хүннү гүрний тулгар төрийн 2220, Их Монгол Улсын 805, тусгаар тогтнолоо сэргээн тунхагласны 100, ардын хувьсгалын 90 жилийн ойг ёслон тэмдэглэхэд цөөхөн хоног үлдлээ. Төв цэнгэлдэхийн өнгийг засч үүд хаалганаас нь эхлэн шинэчилж бараг дуусгажээ. Энэ долдугаар сарын 5-нд цэнгэлдэхийн засварыг дуусгаж хүлээлгэн өгөхөөр болсон байна.

 Мөн тэмдэглэлт энэ олон ойг монголчууд цөөхүүлээ биш олуулаа гэдгийг харуулахаар өвөрмөц тэмдэглэхээр болжээ. Нийслэлээс 300 гаруй, хөдөө орон нутгаас 600 илүү цэргийн албан хаагчийг авчирч 1000 цэргийн сүрт жагсаал хийх гэж байна. Тэд Хүннү гүрнээс эхлээд өнөөг хүртлэх монгол цэргийн сүр хүчийг үзүүлэхуйц үзүүлбэр бэлтгэж буй аж. 

Наадмын нээлтийн ёслол ч монголчууд өнөр олуулаа гэдгийг харуулах болно гэж ерөнхий найруулагч С.Сүхбаатар ярьж байв.