Барилгын “сезон” эхэлж, хаа сайгүй бүтээн байгуулалт, засварын ажил өрнөж байна. Та ч гэсэн байраа засч, зуслангийн байшин барихаар зэхэж байгаа бол барилгын материалын үнэ ханшийг сонирхоорой. Өнгөрсөн жилийнхтэй харьцуулбал барилгын гол материалуудын үнэ өссөн байна. Олны хэлж заншсанаар 100 айл болон Цайз захын барилгын үндсэн материалуудын үнийг танилцуулъя. Ченжүүд барилгын материал дор хаяж 1000-2000 төгрөгөөр өссөн тухай ярьж байсан юм. Харин хадаасны үнэ хэвээрээ байна. Дулаалгад хамгийн ихээр хэрэглэгддэг хөөсөнцөр хавтангийн үнэ хатуулгаасаа хамаараад метр нь куб нь 30 000-85 000 төгрөгийн хооронд байна.