Өнөөдрийн байдлаар улсын хэмжээнд нийт хичнээн барилга баригдаж байгаа,  түүний хэдэд нь гадны ажилчид ажиллаж байгаа вэ гэх тоо судалгааг Зам тээвэр барилга хот байгуулалтын яам, Мэргэжлийн хяналтын газар, Барилагчдын холбооны аль аль нь хийгээгүй байдаг.

Гэхдээ Монголын барилгачдын холбооноос өнгөрөгч 2008 онд 140 барилга дээр хятад ажилчид ажиллаж байгаа гэсэн тойм судалгааг гаргаж байсан. Үүнээс хойш 40 нь ашиглалтанд орсон гэж үзвэл одоогийн байдлаар 100 орчим барилга дээр хятад ажилчид ажиллаж байх магадалалтай гэж байна.

Яг тодорхой хэдэн барилга дээр хичнээн гадны ажичид ажиллаж байгааг Монголын барилгачдын холбооны ерөнхийлөгч Б.Батбаатараас тодрууллаа.

БНХАУ-ын Засгийн  газартай Монгол улсын засгийн газар хооронд хийсэн гэрээнийн дагуу Нийслэлийн мэргэжлийн хяналтын газрын лабораторийн барилга, Спортын төв ордны барилга, Оюутолгой зэрэг дээр хятад ажилчид нийт ажилчдын 50%-аас  дээш байгаа гэж тэрбээр хэллээ.

Монгол улсын засгийн газраас гадны ажичдын тоог цөөлөх бодлого баримталж байгаа. Хуулиндаа ч тухайн барилгын ажилчдын 20 хүртлэх хувь нь гадны ажилчин байгаа гээд заачихсан байдаг юм байна. Энэ оны эхний 8 сарын байдлаар улсын хэмжээнд барилгын салбарт 4000  орчим хятад ажилчид ажиллаж байна гэсэн судалгааг хөдөлмөр халамж үйлчилгээний газраас гаргажээ. Гэхдээ үнээс ч олон хүн ажиллаж байгаа юм байна.

Монголын барилгачдын холбооны ерөнхийлөгч Б.Батбаатар нийслэлийн захиалгаар Богд-ар, Москва хороолол дээр салбарын яамны зөвшөөрөлтэй хятад ажилчид ажиллаж байгаа гэсэн.  Харин зарим барилга дээр аялал жуулчлалын виз авч богино хугацаанд ажиллаад буцаж байгаа тохиолдол байгааг үгүйсгэхгүй байв.

Хуулинд гадаад иргэдийн тоо монгол улсын хүн амын 3 хувьтай тэнцүү байж болно гэж заасан байдаг. Харин өнөөдрийн байдлаар монгол улсын хэмжээнд 29 мянган гадны иргэн буюу нийт хүн амын 10.7 хувтай тэнцүү иргэд ажиллаж амьдарч байна. Түүнээс 104 орны 14344 иргэн хөдөлмөр эрхлэж байгаагийн дийлэнх хувийг урьд хөршийн ажилчид эзлэж байна гэсэн судалгааг хөдөлмөр халамж үйчилгээний газраас гаргажээ.