Монгол Улсын Засгийн газраас тогтоол төрийн байгууллагуудын  ажил үйлчилгээний зориулалтаар төсвийн санхүүжилтээр авдаг бараа бүтээгдэхүүнээ тэргүүн ээлжинд үндэсний үйлдвэрийн бүтээгдэхүүнийг авч байх тогтоол гарган бүтээгдэхүүний жагсаалтыг гаргалаа.   

Үндэсний үйлдвэрүүдийг дэмжих, чадавхийг дээшлүүлэх, ажлын байр нэмэгдүүлэх зорилгоор уг тогтоолыг гаргасан бөгөөд бүтээгдэхүүнээ нийлүүлж байгаа аж ахуйн нэгжүүд давуу эрхээ ашиглан чанар муутай бараа бүтээгдэхүүн нийлүүлэх, зах зээлийн ханшнаас хэт өндөр үнэ санал болгох, хууль бус үйлдэл гаргасан тохиолдолд тухайн аж ахуйн нэгжээс татгалзах, дахин давуу эрх олгохгүй байхаар болсон байна.

      Засгийн газар энэ тогтоолтой холбоотойгоор Монгол Улсын гаралтай үүсэлтэй бараа бүтээгдэхүүнийг худалдан авах тухай хуулийн төсөлд нэмэлт өөрчлөлт оруулах, бүтээгдэхүүний импортыг хязгаарлах асуудлыг холбогдох хууль тогтоомж, олон улсын гэрээ, эрхийн хүрээнд нийцүүлэн боловсруулж Засгийн газрын хуралдаанаар хэлэлцүүлэхийг ХХААХҮ-ийн сайд Т. Бадамжунай, ГХ-ны сайд Г. Занданшатар, Сангийн сайд С. Баярцогт, Хууль зүй дотоод хэргийн сайд Ц. Нямдорж нарт даалгасан байна. Мөн үндэсний үйлдвэрүүдийн бараа бүтээгдэхүүнийг өөрийн хэрэгцээнд худалдан авч хэрэглэхийг нийт ард иргэд, аж ахуйн нэгж, байгууллага хөрөнгө оруулагч үйлдвэрлэгч нарт уриалсан бөгөөд энэ тогтоолыг 2014 он дуустал дагаж мөрдөхөөр болсон байна.

1.      Бүх төрлийн хэвлэмэл бүтээгдэхүүн

2.      Бүх төрлийн савхин хувцас

3.      Бүх төрлийн эсгий

4.      Эсгий болон савхин хувцас

5.      Тусгай хувцас хэрэглэх эрх бүхий зэвсэгт хүчин, дотоодын цэрэг, цагдаа, шүүхийн шийдвэр гүйцэтгэх болон онцгой байдлын ажилтан,гааль, мэргэжлийн хяналт зэрэг улсын байцаагч, байгаль хамгаалагчийн дүрэмт хувцас, хэрэглэл

6.      Өвлийн бүх төрлийн үслэг хувцас

7.      Бүх шатны боловсролын сурагчдын дүрэмт хувцас

8.      Хөдөлмөр хамгаалалын оёмол хувцас, малгай, бээлий

9.      Оюутан, сурагчдын болон батлан хамгаалах, хил хамгаалах, шүүхийн шийдвэр гүйцэтгэх газрын харъяа анги, нэгтгэлүүдийн ширээ, сандал

10. Нэхмэл, оёмол хөнжил

11. Савхин эдлэл (бээлий, бүс, тэлээ)

12. Цүнх

13. Сурах бичиг, сургалтын болон төсвийн байгууллагын бүх төрлийн хэвлүүлэх материал

14. Ширмэл, оёмол хувцас

15. Сүлжмэл хувцас, малгай ороолт

16. Ноос, ноолууран бүтээгдэхүүн

17. Бэлэг дурсгалын бүтээгдэхүүн

18. Сарлагийн хөөвөр, тэмээний ноосон бүтээгдэхүүн

19. Төмс, хүнсний ногоо

20. Сүү, сүүн бүтээгдэхүүн

21. Гурил, гурилан бүтээгдэхүүн

22. Байгалийн гаралтай эрдэсийн дулаалгын материал

23. Тоосго

24. Керамзит, алевролит, перлит, аглоритын хөнгөн дүүргэгч

25. Өнгөлгөөний замаска

26. Зам, талбайн хавтан, хашлага

27. EPS, XPS хөөсөн полистрол хавтан

28. Хуванцар цонх

29. Хуванцар хаалга

30. PVS, PPR, PE, HPDE хуванцар хоолой

31. Хөнгөн бетон гулдмай

32. Чулуун хөвөн

33. Сэндвич хавтан

34. Дотор хананы магнум гулдмай

35. Төсвийн байгууллагаас зохион байгуулж байгаа хурал, зөвлөгөөн, семинарын үед хэрэглэх бичгийн хэрэгсэл, хүнсний зүйл

36. Төсвийн байгууллагуудын бичгийн хэрэгсэл, цаас, дотоодод үйлдвэрлэдэг бусад материалууд

37. Нэг удаагийн зүү тариур