Шинэ бүтээн байгуулалт хөтөлбөрт оролцох ААН, байгууллагуудад зориулсан уулзалт 2011 оны 5 сарын 11-ны өдөр ЗТБХБЯ, ССХОБЗАлба, Монголын Барилгачдын Холбоо  хамтран зохион байгууллаа.

  ССХОБЗАлбанаас “Шинэ бүтээн байгуулалт хөтөлбөр”, “100000 айлын орон сууцны төсөл”-ийн талаар танилцуулж,  Монголын Барилгачдын Холбооноос “Шинэ бүтээн байгуулалт хөтөлбөр”-т оролцох компаниудын бүртгэл, хэрхэн оролцох талаар дэлгэрэнгүй мэдээлэл өглөө.

  “Барилга.МН” Барилгын Зөвлөгөө Мэдээллийн Төвөөс “Шинэ бүтээн байгуулалт” хөтөлбөрт оролцолцогчид,  “100000 айлын орон сууцны төсөл”-д хамрагдах иргэдийн судалгааны ажлын талаар мэдээллээ.

  ССХОБЗАлбанаас “Шинэ бүтээн байгуулалт хөтөлбөр”, “100000 айлын орон сууцны төсөл”-ийн талаар танилцуулж,  Монголын Барилгачдын Холбооноос “Шинэ бүтээн байгуулалт хөтөлбөр”-т оролцох компаниудын бүртгэл, хэрхэн оролцох талаар дэлгэрэнгүй мэдээлэл өглөө. Уулзалтанд 60 гаруй ААН, байгууллагын удирдлагууд оролцож сонирхсон асуултандаа хариулт авлаа.

  “Шинэ бүтээн байгуулалт хөтөлбөр”, “100000 айлын орон сууцны төсөл”-ийн талаар Монголын Барилгачдын Холбооны Ерөнхийлөгч М.Батбаатартай ярилцлаа.

    Шинэ бүтээн байгуулалт хөтөлбөртэй холбоотой гаргаж ирсэн 10-тийн систем гэж юу болох талаар ярихгүй юу?

   Шинэ бүтээн байгуулалт дунд хугацааны зорилтот хөтөлбөрийг УИХ 25-р тогтоолоороо дэмжсэн тогтоол гаргасан. Дараа нь МУ-ын Засгийн газар 346-р тогтоолоороо “дунд хугацааны хөтөлбөр”ийг хэрэгжүүлэх үйл ажиллагааны төлөвлөгөөг баталлаа. Шинэ бүтээн байгуулалт хөтөлбөрийн ажлын хэсгийг зохион байгуулах ерөнхий хороог ерөнхий сайд ахалсан. Энэ хөтөлбөрийн хүрээнд хийгдэж байгаа 100 мянган айлын орон сууц төслийг удирдан зохион байгуулах хороог Шадар сайд Н. Энхболдоор ахлуулж байгууллаа. Ингээд ерөнхийдөө “100 мянган айлын орон сууц” хөтөлбөр эхлэл шатандаа орж байна.

     Энэ үед нь барилгын салбарынхан өөрсдөө яах билээ гэсэн асуулт гарч байна. Өнөөдрийн байдлаар барилгын үйл ажиллагаа эрхлэх тусгай зөвшөөрөлтэй 1540- өөд аж ахуйн нэгжүүд байдаг.Энэ тоон дээр үндэслэн ЗТБХБЯ-ны ССХОБЗА, МБХ, Барилга.МН сэтгүүлтэй хамтран судалгаа хийж үзэхэд хэтэрхий тархай, бутархай жижиг аж ахуйн нэгж, үүн дотроо идэвхтэй үйл ажиллагаатай нь 400 гаруйхан аж ахуйн нэгж байна. Бусад нь ажил олдвол хийдэг, олдохгүй бол хэдэн сараар ч хамаагүй ажилгүй зогсонги байдалтай байдаг. Гэхдээ эдгээр байгууллагууд нь барилгын салбарт олон жил ажиллачихсан, туршлагатай хийж бүтээх гэсэн хүсэл эрмэлзэлтэй байгууллагууд байдаг. Харин барих барилга нь байхгүй учраас эдгээр байгууллагууд ажилгүй суугаад байна. Иймээс тэдгээр аж ахуйн нэгжийг дэмжих, эх орныхоо бүтээн байгуулалтанд хүч мэдлэгээ зориулах, авъяас чадварыг нь ашиглах зорилгоор 1500 гаруй аж ахуйн нэгжийг арав араваараа нэгдэл болон хүчин чадлаа нэгтгэх юм бол дунджаар 10000 айлын орон сууц барих хүчин чадалтай болох юм байна гэсэн судалгаан дээр үндэслэн МБХ-оос уриалга гарган санаачилж 10-тийн системийг гаргаж ирсэн. Өнөөдрийн байдлаар 300 гаруй байгууллага 10-тийн системд нэгдэхийг хүссэн хүсэлтээ гаргаад байна.

     10-тийн системээр нэгдэн эхний ээлж буюу 2011 онд баригдаж эхлэх Баянгол хороолол, 14 хороолол, 7-р хороолол, Радио телевизийн хороолол, Нисэх,Яармагт баригдах хороололд 10-т нэгдсэн байгууллагуудаа хамруулах зорилгоор ярилцаж эхлээд байна. ЗТБХБЯ, ССХОБЗА, ГХГЗЗГ –тай нэгдсэн тохиролцоонд хүрэх юм бол 05 сарын-20- нд болох “Удирдах ажилтаны зөвлөгөөн” дээр албан ёсны шийдвэрт хүрэх болно.

     Жижиг аж ахуйн нэгжүүд 10-тийн системд нэгдлээ гэхэд Засгийн газар бүтээн байгуулалтанд оролцуулна гэсэн баталгаа байгаа юу?

   Шинэ бүтээн байгуулалт хөтөлбөрт Засгийн газар үндэсний барилгын компаниудыг оролцуулна гэсэн тогтоол гаргасан байгаа болохоор оруулахгүй гэсэн эсэргүүцэлтэй тулгарахгүй. Өөрсдийн гаргасан хөтөлбөрөө хэрэгжүүлэхийн тулд баахан Хятадуудыг оруулж ирэлтэй нь биш. Биднийг энэ саналыг төр засаг маань дэмжинэ гэдэгт итгэлтэй байна. Үндэсний барилгачид Их бүтээн байгуулалтыг хийж чадна гэдэгт итгэлтэй байна.