Энэ их сонирхолтой санагдсан учир хүмүүст хүргэмээр санагдлаа. 

Байр авах гэж байна уу-1

Зиак яасан бизнес нь цэцэглээд, мөнгө нь үржээд байр авахаар шийдсэн үү? анд минь.. Мэргэжлийн хүний хувьд ганц хоёр зөвлөгөө өгий гэж бодлоо. Гэхдээ урьчилаад хэлэхэд би хүртэл байраа авахдаа энэ олон зөвлөгөөнөөсөө хэрэгжүүлж чадсан нь ганц хоёр төдий.. Учир нь мөнгөний хэмжээ, манайхны барьж байгаа нэг маягийн барилгууд хоёр сонголт хийлгээгүй л дээ.  Гэхдээ яахав чамд надаас илүү боломж байгаач юм билүү?

Тэгэхээр нийтлэлийг нэг иймэрхүү хэдэн бүлэгт хувааж болж байна, дараалалтай ойлгомжтой байлгахын тулд шүү дээ.

Үүнд:

1.    Байршил сонгох

2.    Сонгосон байршил дотроо барилгаа сонгох

3.    Барилгынхаа талаар мэдээллүүд авах

4.    Барилгыг судлах

5.    Байрандаа ороход анхаарах зүйлс

6.    Ашиглалтын зардал

1. Байршил сонгох

Байршил сонгон гэдэг үнэхээр ярвигтай асуудал. Их л олон зүйл бодох хэрэгтэй болно. Манай нөхцөлд дараах нөхцөлүүдийг тавьж үзэж байгаад байршилаа сонгох нь зүйтэй. Мэдээж энэ нөхцөлүүд бүгд нэг дор ягштал таараад эвлээд ирнэ гэж саналтгүй тиймээс бүгдийг нь тааруулж мундаг байршилтай газар байр авчих гээд муйхарлаад  байв даа.

1.    Хэтэвчний хэмжээ

2.    Авто замын ачаалал

3.    Агаарын бохирдол

4.    Сургуул, цэцэрлэг, ажлын газар, дэлгүүр хоршооны нягтрал

5.    Геологийн нөхцөл

1.1.Хэтэвчний хэмжээгээр байршил сонгоно гэдэгт юу ойлгох вэ гэжүү? Хэрэв чи ойролцоогоор дундаж үнэтэй /900-1000$/m2/ сонгох гэж байгаа бол чи "Зайсан" хавиар, эсвэл хотын төвөөр, эсвэл зарим "Элит" энэ тэр гэж нэрлэгддэг хотхон байршдаг газруудаар барилгуудыг хайгаад хэрэггүй байх. Цагаа гарздахын нэмэр. Бас хотын захаар буюу инженерийн шугам сүлжээ очоогүй газар орон сууц авбал боломжийн үнэтэй авсан байр чинь удахгүй ашиглалтын зардалаар чамайг сэгсэрч болохыг бодолцоно биз.

Мөн аль дүүрэгт байрны үнэ ямар байгааг судалж түүнийгээ эхлээд хэтэвчийнхээ хэмжээтэй харьцуулах нь бүх юм санаанд нийцсэн байтал хэтэвчний хэмжээнээс болоод ухрах араандаа залгаж бүгдийг шинээр эхлэхээс ч юмуу эсвэл тэр чигээрээ чичэрч бөөн өр тавьж байснаас дээр санаа шүү.

Энэ хэсэгт би чамд ингэ тэнгэ зөвлөж чадахгүй учир нь чиний кармаандах надад огтхон ч падлийгүй учираас.

1.2. Авто замын ачаалал бол бидний зайлшгүй бодолцох ёстой зүйл. Ялангуяа цаг нартай улам л уралддаг ажил төрөлтэй болсон энэ үед өглөө гэрээсээ гараад 1 цаг, орой гэрлүү гээ бас л 1 цаг явж "ажлын 8 цаг"-ыг бүхэл бүтэн 2 цагаар  нэмэх явдал бол "цохиод унагачмаар" зүйл юм.

1.2.1. Сонгинохайрхан дүүрэг: Тус дүүрэг ордог гурван л зам байдаг. Нэг нь Хотын төвөөс шууд 10 дугаар хороололоор дайраад орох, Нөгөө нь Хан Уул дүүргийн  Сонсголонгийн гүүүрнээс, Баянхошуунаас Ханын материал руу орж ирдэг зам. Тус дүүрэгт ачаалалтай зам, уулзварууд

1.    Саппоро аюулгүйн тойрог

2.    1 р хорооллын төв зам 2 урсгал

3.    Таван шар өнгөрөөд төмөр замын призер дээрх уулзвар

4.    Драгон төвийн уулзвар

5.    1 дүгээр хорооллын төв зам, арын зам хоёр уулздаг хэсэгт

6.    ИХ засаг их сургуулийн уулзвар

1.2.2. Баянгол дүүрэг:  Ер нь бол ачаалалтай дүүрэгт орно. Баянгол дүүрэг рүү хотын төвөөс 4 зам, Чингэлтэй дүүргээс Баруун 4 зам, Сүхбаатар дүүргээс Нарны замаар, СХДүүргээс Саппаро аюулгүйн тойргоос тус тус холбогдоно. Мөн 1 дүгээр хороолол, Таван шарын замын урд талын хэсэг тэр чигтээ, Хойд талаараа дунд голын дагуу буюу хан уул дүүргийн 19-р хорооллын зам, Яармагийн гүүр хүртэл БГД дүүрэг байдаг ба тус хэсэгт хотын үйлдвэрлэл, аж ахуйн бүс байдаг. Тус хэсгийн ачаалал болон замыг зургаас давхар хараарай, гэхдээ бас СХД-ийн төв замын ачаалалтай адилхан үзэж болно.

Тус дүүрэгт ачаалалтай зам, уулзварууд

1.    Тасганы овоо, Телевизийн уулзвар

2.    Аз хүүхдийн их дэлгүүрийн уулзвар

3.    4 замын уулзвар

4.    25 дугаар эмийн сангийн уулзвар

5.    Нарны замаас 10 дугаар хороолол ордог зам, уулзвар

6.    Саппоро аюулгүйн тойрог

7.    25 эмийн сангийн дээд талын уулзвар

1.2.3. Сүхбаатар дүүрэг:  Баянгол дүүргээс урд талаараа Нарны зам, Баруун 4 зам, Чингэлтэй дүүргээс Төв музейн уулзвар, Баянбүрдийн аюулгүйн тойрог, Хан уул дүүргээс Энхтайваны гүүр, Замын цагдаагийн уулзвар, Баянзүрх дүүргээс Арслантай гүүр, Барилга Мега стор дэлгүүрийн баруун талд орших Сэлбийн гүүрээр тус тус холбогдоно.

Тус дүүрэгт ачаалалтай зам, уулзварууд

1.    Сүхбаатарын талбайн эргэн тойрны 4 уулзвар

2.    Зуун айлын уулзвар

3.    МУИС, СУИС, Багшийн их сургууль, ШУТИС-ын уулзварууд

4.    Оросын элчингийн дагуух зам

5.    Их дэлгүүрийн урд талын зам

6.    Их дэлгүүрээс Нарны зам руу ордог зам

7.    Хүүхдийн 100 дагуух зам, уулзварууд

8.    Замын цагдаагийн уулзвар

9.    Моннис уулзвар

10. 32 тойргын уулзвар гээд бидний ихэнх хэдэн ажлын цаг СБД-ийн хэдэн уулзвар, зам дээр саатдаг гэхэд хисдэхгүй байх.

1.2.4. Чингэлтэй дүүрэг:  Баянгол Барилгын коллежийн уулзвар, Гандангийн уулзвар, Сүхбаатар дүүргээс Урлан бүтээхийн Баруун хойд талын уулзвар, Төв музейн уулзвар, Сүхбаатар дүүрэгүүдийн уулзваруудаар тус тус холбогдоно.

Тус дүүрэгт ачаалалтай зам, уулзварууд

1.    Дээр дурьсан бүх уулзварууд

2.    Теди төвийн хоёр талын уулзвар

3.    Цэцэг төвийн уулзвар

4.    Их дэлгүүрийн өмнөх уулзвар

5.    Ус цаг уурын уулзвар

6.    Зоос гоёлын уулзвар

7.    Баруун 4 зам

8.    Найман шаргын уулзвар гээд бас л олон садаадтай дүүрэг.

1.2.5. Баянзүрх дүүрэг:  Сэлбэ голоор Сүбхаатар дүүргээс тусгаарлагддаг уг дүүрэг Сэлбэ гол дээгүүр тавьсан бүх гүүрүүдээр Сүхбаатар дүүрэгтэй холбогддог. 13 дугаар хорооллын дунд шинээр тавьсан замын гүүр, Нарны зам дагуух МТ шатахуун түгээх станцын баруун талд орших гүүр,  Арслантай гүүр, Барилга мега стор ба Америкийн элчингийн дунд байх Сэлбийн гүүрүүд юм.

Тус дүүрэгт ачаалалтай зам, уулзварууд

1.    Дээр дурьсан бүх уулзварууд

2.    Нарантуул захын хоёр талын уулзвар, урд талын зам

3.    Сансарын тунелийн хоёр талын уулзвар

4.    Зүүн дөрвөн замын уулзвар

5.    КТМС-ийн уулзвар

6.    13-ийн шинээр тавьсан зам, Халдвартын эмнэлгийн урд талаар явсан замууд уулзах хэсгийн уулзвар дээр тус тус ачаалалтай байдаг.

1.2.6. Хан уул дүүрэг:  Дунд голоор Сүбхаатар ба Баянгол дүүргээс тусгаарлагддаг уг дүүрэг тус гол дээгүүр тавьсан бүх гүүрүүдээр бусад дүүрэгтэй холбогддог. Замын цагдаагийн гүүр, Энхтайвны гүүр, Гурвалжингийн гүүр, Сонсголонгын гүүрүүд.

Тус дүүрэгт ачаалалтай зам, уулзварууд

1.    Замын цагдаагийн уулзвар

2.    Зайсангаас уруудаад Туул голын гүүр, Богдханы музейн зүүн урд талын уулзвар

3.    Богдхан музейн зүүн хойд талын ауюлгүйн тойрог

4.    АПУ компаний баруун хойд уулзвар

5.    Цагаан хаалганы уулзвар

6.    Мишээл төвийн уулзвар

7.    Хан уул дүүрэг рүү ордог уулзвар

8.    Энхтайваны гүүүрэн доогуур явдаг зам

9.    Нархан хотхоны хойд талаар замын цагдаагын уулзвар луу явдаг замууд тус тус байна.

Нийслэл орших хэдэн дүүргийн замын байдлыг харвал иймэрхүү байна. Эдгээр мэдээлэл дээрээс өөрийнхөө мэдээлийг нэмээд аль дүүрэгт замын ачаалал харьцангуй гайгүй болохыг шүүж тунгаагаад сонголт хийхийг зөвлөе. Ер нь бол манай бүх дүүргүүд замын ачаалал ихтэй бөгөөд хэрэв хотын төвд ажилтай гэж тооцвол аль ч талаас та 08.20 цагаас өмнө гарахгүй бол хол ойр хамаагүй түгжирчих гээд байгааг та бүхэн мэдэж байгаа биздээ. Бас нэг зүйл нэмж зөвлөхөд ямарваа нэг байгалийн гамшиг болоход аль болох гүүр далан бага, тус голомтоос гарах олон хувилбар бүхий замтай дүүрэг, хороолол сонговол зүгээр байх гэж бодож байна. Амны билгээс ашдын билэг гэж миний л бодол шүү.

Миний хэдэн жил жолоо мушгиж байгаагаас үзэхүл ачаалалтай үед нам түгжирдэг уулзварууд бол

1.    Замын цагдаагийн уулзвар

2.    Зайсангаас уруудаад Туул голын гүүр, Богдханы музейн зүүн урд талын уулзвар

3.    Богдхан музейн зүүн хойд талын ауюлгүйн тойрог

4.    Нарантуул захын хоёр талын уулзвар, урд талын зам

5.    Цэцэг төвийн уулзвар

6.    Найман шаргын уулзвар

7.    Зуун айлын уулзвар

8.    МУИС, СУИС, Багшийн их сургууль, ШУТИС-ын уулзварууд

9.    Оросын элчингийн дагуух зам

10. Их дэлгүүрийн урд талын зам

11. Их дэлгүүрээс Нарны зам руу ордог зам

12. Хүүхдийн 100 дагуух зам, уулзварууд

13. Тасганы овоо, Телевизийн уулзвар

14. Аз хүүхдийн их дэлгүүрийн уулзвар

15. 25 эмийн сангийн дээд талын уулзвар

16. Нарны замаас 10 дугаар хороолол ордог зам, уулзвар

17. Таван шар өнгөрөөд төмөр замын призер дээр

18. 1 дүгээр хорооллын төв зам, арын зам хоёр уулздаг замууд байна.

1.3. Агаарын бохирдол

Улаанбаатар хотын агаарын бохирдолын хэмжээ гамшигын хэмжээнд очиж энэ нь үл хөдлөх хөрөнгийн үнэлгээнд хүртэл нөлөөлчихсөн явааг та бид мэдэх учир үүнийг дэлгэрэнгүй нуршихыг азная.

Доорх зураг дээрээс харвал 1 дүгээр хорооллын төв зам, 10 р хорооллын зам, Баруун 4 замаас хойшхи хэсэгт агаарын бохирдол ихтэй. Сүхбаатар дүүргийн төрийн ордны хойд тал, Чингэлтэй дүүрэг тэр чигтээ агаарын бохирдол ихтэй байгааг харж байна. Баянзүрх дүүргийн Зүүн дөврөн замаас Офицеруудын ордон түүнээс цааш мөн агаарын бохирдол ихтэй байна. Хан уул дүүргийн Яармагийн дэнж мөн агаарын бохирдолтой.

Ингээд сонголт хаана үлдэв. Их дэлгүүрээс Багшийн их сургууль хүртэлх төв замаас урагшх хэсэг /50 мянгат, Төв цэнгэлдэх, Дунд гол болон Туул гол дагуух сав газар, Богдхан уулын хойд талын амнууд /. Нисэх, Био зэрэг газрууд агаарын бохирдол багатай. Мөн 13 дугаар хороололын Бөхын өргөөнөөс урагш, Нарантуул захын хойд талын барилгууд, Нарны замын урд талын барилгууд, 19 дүгээр хороололууд харьцангуй агаарын бохирдол бага оршдог газар байдаг. Ерөнхийдөө хотын өмнө зүг гайгүй гээд ойлгочиход болно.

Гэхдээ миний бодлоор агаарын бохирдол гэдэг зүйл их уртдаа л 10 жилийн дараа мартах зүйл гэж боддог. Энэ үед хотын хойд хэсэг эргээд "үнэд" орно. Орос ах нар 3-4 ба 1 дүгээр хороололуудыг яагаад хотын хойд хэсэгт барьсан нь санаандгүй тохиолдол биш юм шүү.

1.4. Сургууль, цэцэрлэг, дэлгүүр хоршоо

Төлбөртэй хувийн энэ тэр гэхгүй бол сургууль, цэцэрлэгийн байршилуудыг дараах зургуудаас хараарай. Холбоо барих яг таг хаягыг нь мэдэж авахыг хүсвэл харъяа дүүргийн вэб сайт руу нь ороод Боловсролын хэлтсийнх нь мэдээллийг олж үзэж болно. Эсвэл Улаанбаатар хотын сайт мөн Gogo.mn дээр ч байгаа шүү.

Дэлгүүр хоршоо хаа очиж хотод маань элбэг болохоор бүх дэлгүүрийг багтаасан зураг олно гэвэл мөрөөдсөны гарз биз.

Харин сургууль..

Бүх сургууль, цэцэрлэг багтсан эсэхийг мэдхгүй байна. Давхар шалгаж үзэхийг зөвлөе.

1.5. Геологийн нөхцөл

За энэ хэсэгт та бүхэн маш сайн анхаарал хандуудаарай. Учир юу хэмээвээс ерөөсөө амьдарч буй орон сууцыг чинь ганц буулгаж нурааж мэдэх аюул ослын талаар ярьж байна. Улаанбаатар хотын геологийн тогтоц бол эргэн тойрон хүрээлэгдсэн уулархаг харин урд бас гол хэсгээрээ хөндлөн болон дагуу голын ай сав бүхий юм.

Дараах зургаас харахад голын ай сав газрууд болох газруудаар газар хөдлөлийн эрчим илүү байгааг харж болно. Энэ нь Туул болон Дунд гол, Сэлбэ голын дагуух газрууд гэж ойлгож болно. Ногоон хэсэг нь Богд уул, Баянхошуу, Сүхбаатар дүүргийн Зуслангийн амнуудын өндөрлөг газарууд, Ногооноор будагдсан нь Баянгол дүүргийн 3 ба 4 дүгээр хороолол, 1 дүгээр хорооллын хойд хэсэг, Сансар, Хотын төвийн зарим хэсэг гэж ойлгож болно.

Ингэхлээр бидний уралдаж шүтээд байдаг агаарын бохирдол ихтэй газрууд хамгийн аюулд өртөх магадлалтай байгааг харж байна. Сүүлийн үеийн буюу 2010 оны мэдээгээр улаанбаатар хотын ойролцоо газар хөдлөлийн голомт шинээр мэдэгдсэн учир дээрх баллуудыг нэг баллаар нэмж тооцох тухай яригдаж байсан. Энэ чухам юу болсон эсэхийг хараахан мэдээгүй байна. Хэрэв тэр батлагдвал зураг дээрх 6 гэсэн нь 7 балл, 7 гэсэн нь 8 балл, 8 гэсэн нь 9 балл болж байгаа юм. Мөн голын ай сав газар, хайрга, элсэрхэг геологийн тогтоцтой газар бол газар хөдлөл даруй дахин 1 баллаар нэмэгдэж үйлчилдэг.  Энгийн хэлээр тайлбарлавал Туул голын яг дэргэд байшингаа барьсан бол хэрэв 8 баллын газар хөдлөлөө гэхэд уг барилга дээр 9 болж ирнэ, 9 баллаар хөдөлвөл 10 болж очноо л гэсэн үг.

Тиймээс он удаан жил амьдрах аюулгүй орон сууцаа сонгохдоо дээрх асуудлыг сайтар бодож байж шаардлагатай бол мэргэжлийн хүнээс туслалцаа авч байж шийдэх хэрэгтэй. Би боддын яг голын эрэг дээр барьчихаад газар хөдлөлийн 8 баллд тэсвэртэй гэж ярьж байгаа хүний нүүрэн дээр "салаавч" өгөх юмсан гэж..

За тэгээд ганцхан газар хөдлөл гэлтгүй хөрсний устай эсвэл тогтворгүй бүтэцтэй хөрстэй эсэхийг мэдэх шаардлагтай болно. Энэ тохиолдолд хамгийн шилдэг зөвлөгөө гэвэл ойр хавийн барилгуудын хар. Ил харагдах гэмтэл байгаа эсэх ямарваа нэг хагарал буй эсэх, подвалд нь ус байгаа эсэх, ус гарч байсан ор мөр бий эсэх гээд л бүгдийг нь судал. Хүн амьтанаас асуу. Тэгээд асуудалтай бол мэргэжлийн хүнээс зөвлөгөө аваарай. Магадгүй 50 онд баригдсан барилга цаг хугацааны жамаар элэгдэж байж ч магад, шалгах л хэрэгтэй.

Эх сурвалж: engineer.blog.banjig.net их сонирхолтой бичдэг