7. Алдарт Коллосеум (Ром хот)

Зоригт гладиаторууд, эртний баатрууд, ан амьтадын сүнс, түүхийг өгүүлсэн энэхүү байгууламжийн зургийг үзсэн хүн бүхэн авахыг хүсэх нь дамжиггүй. Давхардсан тоогоор 1 сая орчим гэрэл зураг жил бүр авдаг байна. Өөрийн эрхгүй сэтгэл хөдөлж, омогшил төрүүлэх энэхүү байгууламжийг үзэхээр очихдоо та ч гэсэн гэрэл зураг авахыг хүсэх нь лавтай.

6. Сансарын дамар (Сиетл хот)

Тэртээх 1962 онд Дэлхий дахинаа шударга ёсны билэг тэмдэг болж байсан энэхүү Сарсарын дамар өдгөө Сиетл хотыг чимэглэхийн сацуу үзүүштэй зүйлсийнх нь нэг болжээ. Дамрын орой дээрээс хотыг тольдоно гэдэг гайхамшиг гэлтэй. Харин байгууламжийн зургийг ойр орчимынх нь байгууламжуудын нэгнээс толинд туссан байдлаар авах нь илүү сонирхолтой болгодог аж.

5. Линколины хөшөө (Вашингтон)

АНУ-ын 16 дахь ерөнхийлөгчийн дурсгалд зориулан бүтээсэн энэхүү аварга том хөшөө болоод байгууламжийн нүсэр том багана, тосон болон зосон зургуудыг Вашингтон хотноо зочилоод Үндэсний Паркаар зугаалж буй хэн бүхэн үзэхийг хүсдэг. Жил бүр энэхүү хөшөөг үзэхээр ирэгсдийг юу хамгийн их гайхуулдаг бол? 120 тонн жинтэй хөшөө юу эсвэл боолчлол, ядуурлыг халж чадсан АНУ-ын 16 дахь ерөнхийлөгч үү?

4. Эйфеллийн цамхаг (Парис)

1889 онд Францад хувьсгал гарсаны 100 жилийн ойд зориулан бүтээсэн энэхүү байгууламжийг мэдэхгүй хүн ховор. Густав Эйфеллийн бүтээлийг гайхамшиг гэхээс өөр юу хэлэх вэ? Нэг жилд 37 сая жуулчид Парис хотод айлчилдаг гэхээр цамхагийн зургийг хэчнээн хэмжээгээр дардаг нь ойлгомжтой.

3. Эв нэгдэлийн талбай (Сан Франциско)

Иргэний дайны үед энэхүү талбай дээр хүмүүс эв нэгдэлийг хүсэн цугладаг байж. Улмаар гоёмсог, утга төгөлдөр барилга, хөшөө дурсгалын зүйлсээр чимэглэснээр даян дэлхийн энх тайвны бэлэг тэмдэг нь болсон талбай болжээ. 

2. Трафалгарын талбай (Лондон)

Алдарт зохион бүтээгч Жон Нэйш Английн нэгэн энгийн тосгоныг тэс өөр болгон өөрчилсөн нь одоогийн Трафалгарын талбай юм. Гоёмсог усан оргилуур, шат, хөшөө зэргээр дүүргэж, дэлхий дээрх хамгийн үзүүштэй газруудын нэг болгосноор Лондон хотоор жуулчлагсдын зорих газруудын нэг болсон юм.

1. Эмпайрь Стэйт Бюльдин (Нью Йорк)

Бүтэн жилийн турш баригдсан энэхүү үзэсгэлэнт барилгыг үзэхээр жилд 35 сая жуулчин Нью Йорк хотыг зорьдог. Архитектурын өвөрмөц шийдэл бүхий барилгын орой хаа холын Массачусетс хотод хүртэл харагддаг гэнэ.