Энхийн манаанд зогсох хилчидийн хотхон сүндэрлэлээ
Хүнд өөрийн гэсэн гэр оронтой байх нь юунаас ч илүү аз жаргал байдаг. Хэдхэн хоногийн өмнө түүхт ойгоо тэмдэглэсэн тэдэнд дутахааргүй нэгэн баярт үйл явдал боллоо.
“Хилчин” нэр хүндтэй албыг үүрэг хүлээн эргэх дөрвөн цагт эх орныхоо энхийн манаанд хил даган нүүдэлж байдаг тэдний амьдрал тийм тансаг сайхан биш байдаг. “Хорин жилийн хүсэл минь биелэлээ” хэмээн хэлэх ахмад хилчны сэтгэлийн үг үүний нотолгоо болох биз ээ. “Хилчин” хотхоны нээлтийн ажиллагаанд ХЗДХ –ийн сайд Ц. Нямдорж, дэд сайд, Төрийн нарийн бичгийн дарга, Хошууч генерал Д. Сандаг-Очир болон албаны бусад хүмүүс хүрэлцэн ирсэн байлаа.
Хурандаа Х. Лхагвасүрэн ахлагчтай Барилга угсралт үйлдвэрлэл, хилийн цэргийн 0119 дүгээр ангийн хамт олон 700 айлын орон сууцаа 2 жилийн дотор чанар үзэмжтэй барьж эхний ээлжийн барилгаа ашиглалтанд оруулж эхэлжээ. Өнгөрсөн жилийн хавар 320 айлын орон сууц ашиглалтанд оруулсан бол одоо 120 айлын орон сууцаа ашиглалтанд оруулж хилчидээ хүлээн авлаа. Харин үлдсэн барилгуудаа ирэх сар гэхэд бүрэн ашиглалтанд өгч дуусгаснаар 700 хилчин өөрсдийн гэсэн тохилог сууцтай болох нээ.
Байранд орох хүсэлтэй хилчид 16-40 сая төгрөгний 40%-ийг бэлнээр төлөөд үлдсэн хувийг цувуулан төлж дуусгах нөхцлөөр байрны түлхүүрийг өгөх юм.
Уг хотхон нь нийслэлийн дулааны шугам сүлжээнээс 3 км алслагдсан учир өөрийн дулаан цахилгааныхаа хэрэгцээг бүрэн хангах 1,4 мг- ийн 1, 2,8 мг-ийн хоёр тогоо бүхий станцтай. Гэхдээ уг станц нь утаа үйлдвэрлэдэггүй технологитой гэдгээрээ давуу онцлогтой юм. Цаашдаа ч хилчдийг орон сууцжуулах төслөө үргэлжлүүлнэ гэдгийг салбарын сайд, генерал нь нээлтийн ажиллагааны үеэр амлаж байна лээ.