Нийслэлийн Барилга, хот байгуулалт, төлөвлөлтийн газар, Авто замын газар, Германы GFI компанитай хамтран дэлхийн 20 гаруй орны эрдэмтдийн гурван жилийн хөдөлмөрийн үр дүнд бүтсэн бетон болон барилгын хагарал, зам гүүр наадаг цавуугаар Арслантай гүүрний цууралтыг наах туршилт хийлээ. ХБНГУлсад үйлдвэрлэсэн энэхүү цавууг иргэний болон цэргийн зориулалттай барилга, нисэх онгоц, атомын цахилгаан станцын барилгуудад ашиглаж байсан бөгөөд монголын эрс тэс уур амьсгалд тохиромжтой эсэхийг шалгасан нь энэ юм. Нүдэнд үл үзэгдэх жижиг хялгасан цууралт буюу 1 мм-ийн цууралтаас эхлээд бүх төрлийн цууралтыг нааж чадах аж. Нэг талаар шингэн гагнаас гэж ойлгож болох цавуу нь тав хоногт бэхэждэг боловч Арслантай гүүрний доод суурийг “гагнаж” байгаа тул зам хаах шаардлага гарсангүй.