Нийслэл хот “Метро”-той болох цаг тун удахгүй

Нийслэлийн иргэд сая хол давж, нийтийн тээвэр, авто замын ачаалал өдөр ирэх тусам нэмэгдэж,  жолооч зорчигчдын уур бухимдлыг төрүүлдэг билээ. Нийслэл хотод том оврын автобус хотын нэг захаас нөгөө зах хүртэл 134 чиглэлд үйлчилдэг. Чиглэл тус бүр 5-10 тооны автобус үйлчилдэг. Гэхдээ зарим үед явах ёстой автобуснаас цөөхөн хэд нь л үйлчилгээнд гардаг. Энэ нь засвар үйлчилгээтэй нь холбоотой. Оюутан сурагчдын хичээл эхлэхээр автобусанд сууна гэж саналтгүй. Мөн нийтийн тээврээс гадна нийслэлийн замд ойролцоогоор 200 мянга гаруй авто машин зорчдог зэргээс авто замын түгжрэл, ачаалал өглөө, оройд дээд цэгтээ хүрдэг гэж болно.

Тэгвэл энэ бүх түгжрэл, уур бухимдлаас гарах арга зам ойрын хэдэн жилдээ биш ч гэсэн 2020 он гэхэд шийдэх боломж нь нээгдэж байна. Хот төлөвлөлтийг шинэ шатанд хүргэх зорилготой Метро байгуулах талаар БНСУ-ын Сөүл метро буюу “Soosung” инжинееринг компанитай хамтран хийх талаар яригдаж байгаа бөгөөд төслийг хэрэгжүүлэхдээ хотын нэг захаас нөгөө зах хүртэл буюу баруунаас өмнийг чиглэсэн, зүүнээс баруун чиглэлд, мөн хотоос зайдуу хүн амын сууршилын бүсийг хотын төвтэй холбох, иргэдэд нийтийн тээврийн үйлчилгээг цэвэр тухтай орчинд түргэн шуурхай, хүртээмжтэй хүргэх гээд олон давуу талтай болох юм.

Метро нь олон төрөл байдаг бөгөөд үүнээс нь Монголын цаг уурт хамгийн тохиромжтой нь LRT хувилбар бөгөөд энэ бага оврын метронд 3-4 галт тэрэг явах юм байна. Уг метроны нэг вагон нь 78 хүний суудалтай 93 хүн зогсч, нийт 137 хүн зорчих боломжтой юм. 

Эхний ээлжинд хөндлөн, босоо гэсэн хоёр шугам барих төлөвлөгөөтэй. Хөндлөн шугам нь нийслэлийн баруун тал 22-ын товчооноос Амгалан хүрэх 28,3 км зам, босоо чиглэл нь 17-р сургуулийн орчмоос Ногоон нуур, МУИС Чингисийн өргөн чөлөө ороод Энхтайвны гүүр давж Буянт – Ухаа хүрэх шугам 21.3 км замууд орох юм. Мөн метрог барихдаа дулаан болоод ирэхээр ухаж төнхөөд эхэлдэг цахилгаан, дулаан, цэвэр усны асуудлыг давхар шийдэх юм. Гэвч энэ бүтээн байгуулалтын өртөг нь Дөрвөн их наяд ам.доллар болоод байгаа учир Азийн хөгжлийн банк, Дэлхийн банкнаас зээл тусламж авах боломжтой юм.

Энэ төслийн энэ онд эхлүүллээ 2017 онд бүрэн ашиглалтанд оруулах боломжтой бөгөөд цаг хугацаа алдах тусам манай улс бүтээн байгуулалтын зардал жилд 20%-иар нэмэгдсээр байна. Харин монголын авто замын компаниуд тусгай замын автобус, хотын авто замын дээгүүр байрлах гүүрэн метро, хурдан галт тэргийг зэрэг төслүүдийг санал болгож байгаа. Энэ төсөл нь Солонгосын талыг бодвол өртөг хямд боловч инженерийн шугам сүлжээ, дулаан цахилгааныг сайн тусгаагүйн дээр 2025 он гэхэд бүрэн ашиглалтанд өгөх юм байна.