Эх орныхоо хөгжил цэцэглэлт, бүтээн байгуулалтын аугаа түүхийг бүтээлцэхэд авъяас билэг, хүч хөдөлмөрөө зориулж явсан ахмадууд, Монгол улсынхаа сэргэн мандалын өнгө төрх болсон орчин үеийн барилгын салбарын инженер техникийн ажилтанууд, нийт ажиллагсад та бүхэнд Монгол улсад их барилгын салбар үүсч хөгжсөний 85 жилийн ойг тохиолдуулан Монгол улсын засгийн газрын хэрэгжүүлэгч агентлаг Газрын харилцаа, барилга, геодези, зураг зүйн газрын даргын зөвлөлийн нэрийн өмнөөс болон хувиасаа чин сэтгэлийн мэндчилгээ дэвшүүлж байна.

Нүүдлийн мал аж ахуй эрхлэн тал хээрээр тархан амьдарч байсан Монголчуудын хувьд XX зууны эхний хагсаас улбаалан хөгжсөн хот суурин газрыг барьж байгуулах, шинэ шинэ хотуудыг бүтээн босгох үйл явц нь манай ард түмний  амьдралд гарсан томоохон хувьсгалт өөрчлөлтүүдийн нэг байсан юм.Эдгээр бүтээн байгуулалтыг манай алтан гартай барилгачид хийж бүтээсэн гэдгээр би цаг ямагт бахархдаг.

Энэ оны хувьд салбарын яам, агентлаг, шинжлэх ухааны болон барилгын салбарт үйл ажиллагаа явуулдаг төрийн бус байгууллагуудын оролцоотой боловсруулан батлуулсан "Шинэ бүтээн байгуулалт дунд хугацааны зорилтот хөтөлбөр" түүний салшгүй хэсэг болох 100 мянган айлын орон сууцны хөтөлбөр төслүүд хэрэгжиж эхлэн, Засгийн газрын үнэт цаас гарган хөрөнгийн эх үүсвэрийг шийдвэрлэсэн зэрэг томоохон алхамууд хийгдсэнээрээ урьд урьдынхаасаа онцлог жил болж байна.

Төрийн үйл ажиллагааны залгамж болон манай салбарт хэрэгжиж буй эдгээр томоохон зорилтууд нь барилгын салбарын нийт хамт олны өмнө эх орныхоо ирээдүйн сайн сайхан амьдралыг өөрсдийн оюун ухаан, сэтгэл зүтгэлээр цогцлуулан бүтээх хариуцлагатай үүрэг болон тавигдаж байна.

Монгол Улсын засгийн газрын "Шинэ бүтээн байгуулалт дунд хугацааны зорилтот хөтөлбөр"-ийн хүрээнд нийслэл хотод баригдах 75000 айлын, аймаг, төв, сум, суурин газарт баригдах 25000 айлын орон сууц нь гэр хорооллыг дахин төлөвлөх зарчимаар хотын доторх барилгажилтийг нэмэгдүүлэн иргэдээ  тохилог сайхан орон сууцаар хангаж амжиргааны орчинг нь сайжруулахын зэрэгцээутаа гаргагч цэгүүдийн тоог цөөрүүлэх аргаар хотын агаарын бохирдолыг арилгах, хотын захруу дэд бүтэц, инженерийншугам сүлжээг шинээр бий болгох зарчмаар шинэ хороолол хот сууринг барьж байгуулахад чиглэсэн, Шинэ яармаг, Баянголын ам, 7, 14-р хороолол гэсэн томоохон төслүүдийг манай барилгачид хэрэгжүүлж эхлээд байна.

Энэ чиглэлээр зоригтой алхамууд хийж буй барилгын компаниудад төрийн зөв бодлогоор санхүү, эдийн засгийндэмжлэг үзүүлэх, орон сууц худалдан авах хүсэлтэй иргэдэд үл хөдлөх хөрөнгө болоод өөрийнхөө  худалдан авч буй байрыг барьцаалан урт хугацааны бага хүүтэй зээл олгох зэрэг тал бүрийн арга хэмжээг авч хэрэгжүүлэх явдал барилгын салбарын төрийн байгууллагуудын өмнө тавигдаж байна.

Жил бүрийн хийсэн бүтээснээрээ бахархаж, нүдээрээ харж, гараараа барих бэлэгтэйгээр тэмэдглэдэг Барилгачдын өдрийн мэндийг дахин хүргэж нийт барилгачид та бүхэндээ болон танай гэр бүл, төрөл төрөгсдөд сайн сайханы ерөөл дэвшүүлье.

Монгол Улсын Засгийн газрын хэрэгжүүлэгч агентлаг Газрын харилцаа, барилга, геодези, зураг зүйн газрын дарга Ц.Ганхүү