Улаанбаатар хот гэлтгүй Монгол улсад хамгийн нэн тэргүүнд санаа тавих асуудлуудын нэг. Урин дулаан цагт амарч тухлах, гэр бүлээрээ үр хүүхдүүдээ тоглож наадуулах газар хомс бараг байхгүй гэж хэлж болно. Үүнийг шийдвэрлэх зорилготойгоор Үндэсний цэцэрлэгт хүрээлэнг байгууллахаар зураг төслийг нь гүйцэтгэж байгаа юм. Бас үүнтэй нэгэн адил ногоон байгууламж бүхий цэцэрлэгт хүрээлэнтэй болох таатай мэдээ байна.

    VIII богд Жавзандамба хутагтад зориулсан уран барималын чуулбар бүхий цэцэрлэгт хүрээлэн бөгөөд Хан- Уул дүүргийн Богд хааны музейн зүүн талын хэсэг талбайд байгууллахаар зураг төслийг нь төлөвлөн ажиллаж байгаа юм байна.

    Энэхүү цэцэрлэгт хүрээлэнг амралт зугаалга, танин мэдэхүй, аялал жуулчлалд зориулсан өндөр хэмжээний уран барималын чуулбар, ландшафтын архитектурын уялдаа холбоог харуулсан урлаг, амьд байгалийн нэгэн гайхамшигт ногоон төгөл байхаар шийдэх юм байна.

     Цэцэрлэгт хүрээлэнгийн голд VIII богд Жавзандамба хутагтын босоо дүр байрлах бөгөөд төр шашныг хослон баригч гэснийг илтгэх хувцас, Монгол төрийн алтан соёмбыг алган дээрээ тавин алс хэтийг харсан оюуны их бясгалагч Монгол төрийн нэрт зүтгэлтэн хааны дүрийг бүтээсэн байхаар зураг төслийг нь гаргажээ.