“Бид мэргэжлийн ажлаараа улсдаа тэргүүлнэ” гэсэн уриатай 20 насны босго алхаж байгаа Одкон Холдинг ХХК нь 1937 онд “Пийшин ба салхин хүрдний ажлыг эрхлэн үйлдвэрлэх тасаг” нэртэйгээр байгуулагдсанаас хойш өргөжин тэлсээр 1991 онд “Цахилгаан сантехник угсралтын нэгдсэн трест”- ээс салбарлан Засгийн газрын өмч хувьчлалын комиссын шийдвэрээр хувьчлагдаж 1,1 сая төгрөгний дүрмийн сан, 36 ажилчинтайгаар анх үүсэн байгуулагдаж байжээ.

     Өнгөрсөн 20  жилийн хугацаанд биеэ даасан 6 охин компанитай, 10-аад салбар нэгжтэй, 230 гаруй ажиллагсадтайгаар өргөжин Монголын барилгын салбарт өөрийн гэсэн байр сууриа олсон томоохон компаниудын нэг болжээ.

     Тус компанийн хамт олон 20 жилийн ойн хүрээнд 20 бүтээлч ажлыг зарлан дүгнэж, Олон Улсын чанарын удирдлагын тогтолцоо ISO9001:2008 нэвтрүүлсэн байгууллага болж 20 жилийн хугацаанд олсон амжилтаа бататгаж ажлын чанар бүтээлээр байгууллагынхаа 20 жилийн ойгоо угтаж байна.

Монгол улсад барилгын салбар үүсч хөгжсөний 85 жилийн ойн хүрээнд ГХБГЗЗГ, Барилга.МН БЗМТөв, Монголын барилгачдын үйлдвэрчний эвлэлийн холбоо, OSHMI байгууллагаас барилгын салбарт үйл ажиллагаа явуулж байгаа байгууллагуудын дунд зарласан “Үйлдвэрлэлийн осолгүй өндөр бүтээлтэй ажиллацгаая” 3сарын аяны хүрээнд “Хөтөл Цемент Шохой” ХХК- иас шилжин явах тугийг 2011.09.05-12-ны хооронд хүлээн авч бүх нэгж хэлтэс, тасгуудаа идэвхитэй оролцуулж чадсаны үр дүнд осол зөрчил гаргалгүй төлөвлөгөөт зорилтуудаа 145%-иар биелүүлсэн амжилтаар 20 жилийн ойгоо угтаж байна.